دوش ہوا پہ تنکوں کا یہ آشیانہ کیا — محسن زیدی
شاعر
دوش ہوا پہ تنکوں کا یہ آشیانہ کیا
دوش ہوا پہ تنکوں کا یہ آشیانہ کیا
جس کو اجڑ ہی جانا ہے وہ گھر بسانا کیا
ہم کو چھپا رہے ہو یہ آخر ہمیں سے کیوں
ہم سے ملا رہے ہو ہمیں غائبانہ کیا
ہم کون جزو خاص کسی داستاں کے تھے
کیسا ہمارا ذکر ہمارا فسانہ کیا
آنکھوں میں اشک روک لیے اس خیال سے
مٹی میں موتیوں کا لٹائیں خزانہ کیا
وہ بزم دوستاں نہ وہ اب کوئے دلبراں
باہر نکل کے گھر سے کہیں آنا جانا کیا
مقصد یہ کیا نہیں ہے کہ دشمن کو ہو شکست
یہ جنگ ہو رہی ہے کوئی دوستانہ کیا
جب سب یہاں خموش ہیں دیوار کی طرح
پھر سننا کیا کسی سے کسی کو سنانا کیا
محسنؔ کہیں بھی لے کے ہمیں آب و دانہ جائے
اپنا یہاں پہ ٹھور کوئی کیا ٹھکانا کیا
Dosh-e-hawa pe tinkon ka ye aashiyana kya
Dosh-e-hawa pe tinkon ka ye aashiyana kya
Jis ko ujad hi jaana hai wo ghar basana kya
Hum ko chhupa rahe ho ye akhir hamein se kyun
Hum se mila rahe ho hamein ghaibana kya
Hum kaun juzv-e-khas kisi dastaan ke the
Kaisa hamara zikr hamara fasana kya
Ankhon mein ashk rok liye is khayal se
Mitti mein motiyon ka lutayen khazana kya
Wo bazm-e-dostan na wo ab koo-e-dilbaran
Bahar nikal ke ghar se kahin aana jaana kya
Maqsad ye kya nahin hai ke dushman ko ho shikast
Ye jang ho rahi hai koi dostana kya
Jab sab yahan khamosh hain deewar ki tarah
Phir sunna kya kisi se kisi ko sunana kya
Mohsin! Kahin bhi le ke hamein aab-o-dana jaye
Apna yahan pe thaur koi kya thikana kya
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں