اس طرف سے اس طرف تک خشک و تر پانی میں ہے — محسن زیدی
شاعر
اس طرف سے اس طرف تک خشک و تر پانی میں ہے
اس طرف سے اس طرف تک خشک و تر پانی میں ہے
اب سمندر سے سمندر تک نظر پانی میں ہے
میری آنکھوں میں ادھر منظر ہے اپنی موت کا
اور کوئی ڈوبنے والا ادھر پانی میں ہے
جانے کب میرے سمندر کو کوئی ساحل ملے
کب سے میرا جسم سرگرم سفر پانی میں ہے
کشتی انفاس زیر آب بھی ہے شعلہ بار
تہہ بہ تہہ جیسے کوئی موج شرر پانی میں ہے
جل گیا ہوتا شعاع مہر سے یہ شہر بھی
خیریت گزری کہ خوابوں کا نگر پانی میں ہے
اس بلندی سے لگاؤں کس طرف اب میں چھلانگ
ایک در ہے دشت میں تو ایک در پانی میں ہے
ہو چکے ہیں کب کے چکنا چور آئینے سبھی
یہ تو محسنؔ اپنا ہی عکس نظر پانی میں ہے
Is Taraf Se Is Taraf Tak Khushk O Tar Paani Mein Hai
Is taraf se is taraf tak khushk o tar paani mein hai
Ab samundar se samundar tak nazar paani mein hai
Meri aankhon mein idhar manzar hai apni maut ka
Aur koi doobne waala idhar paani mein hai
Jaane kab mere samundar ko koi saahil mile
Kab se mera jism sargarm safar paani mein hai
Kashti e anfaas zer e aab bhi hai shola baar
Teh ba teh jaise koi mauj e sharar paani mein hai
Jal gaya hota shua'a-e-mehr se yeh shahar bhi
Khairiyat guzri ke khwaabon ka nagar paani mein hai
Is bulandi se lagaaun kis taraf ab main chhalaang
Ek dar hai dasht mein to ek dar paani mein hai
Ho chuke hain kab ke chakna choor aaine sabhi
Yeh to Mohsinؔ apna hi akss nazar paani mein hai
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں