جانا ہے اسی سمت کہ چارہ نہیں کوئی — محسن زیدی
شاعر
جانا ہے اسی سمت کہ چارہ نہیں کوئی
جانا ہے اسی سمت کہ چارہ نہیں کوئی
جس سمت کو رستہ بھی نکلتا نہیں کوئی
بس دل کا ہے سودا کوئی بازی نہیں سر کی
تھوڑا سا ہے نقصان زیادہ نہیں کوئی
منجدھار میں کشتی کا بدلنا نہیں منظور
ایسی مجھے ساحل کی تمنا نہیں کوئی
ہر شخص یہاں گنبد بے در کی طرح ہے
آواز پہ آواز دو سنتا نہیں کوئی
ہم سینہ سپر آ گئے میدان وغا میں
اب کیوں صف اعدا سے نکلتا نہیں کوئی
مانا کہ برا ہے جو کم آمیز ہوں اتنا
یہ تیرا تغافل بھی تو اچھا نہیں کوئی
وہ شعبدہ گر ہی نہ رہا کھیل ہوا ختم
ہونے کو بس اب اور تماشا نہیں کوئی
اک نقد ہنر ہے کہ نہیں جس کی کوئی قدر
پاس اس کے سوا اور اثاثہ نہیں کوئی
پامالی گلشن کی یہ تصویر ہے محسنؔ
شادابی گلشن کا یہ نقشہ نہیں کوئی
Jaana hai isi simt ke chara nahin koi
Jaana hai isi simt ke chara nahin koi
Jis simt ko rasta bhi nikalta nahin koi
Bas dil ka hai sauda koi baazi nahin sar ki
Thoda sa hai nuqsaan ziyada nahin koi
Manjhdaar mein kashti ka badalna nahin manzoor
Aisi mujhe sahil ki tamanna nahin koi
Har shakhs yahan gumbad-e-be-dar ki tarah hai
Aawaz pe aawaz do sunta nahin koi
Hum seena sipar aa gaye maidaan-e-wugha mein
Ab kyun saff-e-aada se nikalta nahin koi
Maana ke bura hai jo kam-aamez hoon itna
Ye tera taghaful bhi to achha nahin koi
Wo shobada gar hi na raha khel hua khatm
Hone ko bas ab aur tamasha nahin koi
Ik naqd-e-hunar hai ke nahin jis ki koi qadr
Paas us ke siwa aur asaasa nahin koi
Pamali-e-gulshan ki ye tasveer hai Mohsin
Shaadabi-e-gulshan ka ye naqsha nahin koi
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں