خواہش تخت و تاج اور ہے کچھ — محسن زیدی
شاعر
خواہش تخت و تاج اور ہے کچھ
خواہش تخت و تاج اور ہے کچھ
لیکن اپنا مزاج اور ہے کچھ
کیا بھروسا بدلتے موسم کا
رنگ کل کچھ تھا آج اور ہے کچھ
پاسداری یہاں نہیں چلتی
اس نگر کا رواج اور ہے کچھ
خوش نہ ہو ہم جو ہو گئے خاموش
صورت احتجاج اور ہے کچھ
کام چلتا نہیں ہے مرہم سے
زخم دل کا علاج اور ہے کچھ
سوچنا اور اداس ہو جانا
حال ہی دل کا آج اور ہے کچھ
اک زمانہ تھا ہم مزاج تھے ہم
اب تو اس کا مزاج اور ہے کچھ
شعر کہنا ہے ایک فن محسنؔ
دفتری کام کاج اور ہے کچھ
Khwahish-e-takht-o-taj aur hai kuch
Khwahish-e-takht-o-taj aur hai kuch
Lekin apna mizaj aur hai kuch
Kya bharosa badalte mausam ka
Rang kal kuch tha aaj aur hai kuch
Pasdari yahan nahin chalti
Is nagar ka riwaj aur hai kuch
Khush na ho hum jo ho gaye khamosh
Soorat-e-ehtijaj aur hai kuch
Kaam chalta nahin hai marham se
Zakhm-e-dil ka ilaaj aur hai kuch
Sochna aur udas ho jana
Haal hi dil ka aaj aur hai kuch
Ik zamana tha hum mizaj the hum
Ab to us ka mizaj aur hai kuch
Sher kehna hai ek fun Mohsin!
Daftari kaam kaj aur hai kuch
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں