کسی کے دوش نہ مرکب سے استفادہ کیا — محسن زیدی
شاعر
کسی کے دوش نہ مرکب سے استفادہ کیا
کسی کے دوش نہ مرکب سے استفادہ کیا
یہاں تلک کا سفر ہم نے پا پیادہ کیا
جہاں پہ دیکھے قدم اپنے کچھ بھٹکتے ہوئے
وہیں ٹھہر کے فروزاں چراغ بادہ کیا
لباس بدلے نہیں ہم نے موسموں کی طرح
کہ زیب تن جو کیا ایک ہی لبادہ کیا
امیر شہر سبھی تھے شریک مشق ستم
کسی نے کم تو کسی نے ستم زیادہ کیا
ہر ایک بار قدم بت کدے میں لوٹ آئے
خدا گواہ ہے مسجد کا جب ارادہ کیا
بچھڑنے والوں میں ہم جس سے آشنا کم تھے
نہ جانے دل نے اسے یاد کیوں زیادہ کیا
کوئی اکیلا تو میں سادگی پسند نہ تھا
پسند اس نے بھی رنگوں میں رنگ سادہ کیا
بہت ہی تنگ تھی محسنؔ یہ رہ گزار غزل
ہم اہل فکر و نظر نے اسے کشادہ کیا
Kisi ke dosh na markab se istifada kiya
Kisi ke dosh na markab se istifada kiya
Yahan talak ka safar hum ne pa-piyada kiya
Jahan pe dekhe qadam apne kuch bhatakte hue
Wahin thahar ke firozan charagh-e-bada kiya
Libas badle nahin hum ne mausamon ki tarah
Ke zeb-e-tan jo kiya ek hi libada kiya
Ameer-e-shehar sabhi the shareek-e-mashq-e-sitam
Kisi ne kam to kisi ne sitam zyada kiya
Har ek baar qadam but-kade mein laut aaye
Khuda gawah hai masjid ka jab irada kiya
Bichhadne walon mein hum jis se aashna kam the
Na jaane dil ne use yaad kyun zyada kiya
Koi akela to main saadgi pasand na tha
Pasand us ne bhi rangon mein rang sada kiya
Bahut hi tang thi Mohsin! ye rahguzar-e-ghazal
Hum ahl-e-fikr-o-nazar ne use kushada kiya
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں