نقش پانی پہ بنایا کیوں تھا — محسن زیدی
شاعر
نقش پانی پہ بنایا کیوں تھا
نقش پانی پہ بنایا کیوں تھا
جب بنایا تو مٹایا کیوں تھا
گئے وقتوں کا ہے اب رونا کیوں
آئے وقتوں کو گنوایا کیوں تھا
بیٹھ جانا تھا اگر مثل غبار
سر پہ طوفان اٹھایا کیوں تھا
میری منزل نہ کہیں تھی تو مجھے
دشت در دشت پھرایا کیوں تھا
وہ نہ ہمدم تھا نہ دم ساز کوئی
حال دل اس کو سنایا کیوں تھا
دور رہنا تھا جب اس کو محسنؔ
میرے نزدیک وہ آیا کیوں تھا
Naqsh paani pe banaya kyun tha
Naqsh paani pe banaya kyun tha
Jab banaya to mitaya kyun tha
Gaye waqton ka hai ab rona kyun
Aaye waqton ko ganwaya kyun tha
Baith jaana tha agar misl-e-ghubar
Sar pe toofan uthaya kyun tha
Meri manzil na kahin thi to mujhe
Dasht dar dasht phiraya kyun tha
Wo na hamdam tha na dam saaz koi
Haal-e-dil us ko sunaya kyun tha
Door rehna tha jab us ko Mohsin
Mere nazdeek wo aaya kyun tha
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں