وہ موت کا منظر جو تھا دن رات وہی ہے — محسن زیدی
شاعر
وہ موت کا منظر جو تھا دن رات وہی ہے
وہ موت کا منظر جو تھا دن رات وہی ہے
منہ سے نہ کہو صورت حالات وہی ہے
لفظوں کے الٹ پھیر سے بدلے گا نہ مطلب
امداد جسے کہتے ہو خیرات وہی ہے
گل کرنا چراغوں کا تو اک کھیل ہے اس کا
واضح ہے پس پردۂ ظلمات وہی ہے
زنجیر میں موسم کی ہیں جکڑے ہوئے دن رات
سردی وہی گرمی وہی برسات وہی ہے
ہم نے تو اسی طرح گزارے ہیں شب و روز
اپنے لیے ہر دن وہی ہر رات وہی ہے
کچھ میرے ہی مانند ہے طرز سخن اس کا
انداز اشارات و کنایات وہی ہے
دونوں ہی طرف آگ برابر کی ہے محسنؔ
دونوں ہی طرف گرمئ جذبات وہی ہے
Woh maut ka manzar jo tha din raat wahi hai
Woh maut ka manzar jo tha din raat wahi hai
Munh se na kaho surat-e-halaat wahi hai
Lafzon ke ulat pher se badlega na matlab
Imdad jise kehte ho khairaat wahi hai
Gul karna chiraghon ka to ik khel hai uska
Wazeh hai pas-e-parda-e-zulmaat wahi hai
Zanjeer mein mausam ki hain jakde hue din raat
Sardi wahi garmi wahi barsaat wahi hai
Hum ne to isi tarah guzare hain shab-o-roz
Apne liye har din wahi har raat wahi hai
Kuchh mere hi manind hai tarz-e-sukhan uska
Andaz-e-isharaat o kinaayaat wahi hai
Dono hi taraf aag barabar ki hai Mohsin
Dono hi taraf garmi-e-jazbaat wahi hai
شاعر کے بارے میں
محسن زیدی، پورا نام سید محسن رضا زیدی اور قلمی نام محسن، اردو غزل کے ایک معتبر اور باوقار شاعر تھے۔ ان کی پیدائش 10 جولائی 1935ء کو بہرائچ، اتر پرد...
مکمل تعارف پڑھیں