آگ اشک گرم کو لگے جی کیا ہی جل گیا — مومن خان مومن
شاعر
آگ اشک گرم کو لگے جی کیا ہی جل گیا
آگ اشک گرم کو لگے جی کیا ہی جل گیا
آنسو چو اس نے پونچھے شب اور ہاتھ پھل گیا
پھوڑا تھا دل نہ تھا یہ موے پر خلل گیا
جب ٹھیس سانس کی لگی دم ہی نکل گیا
کیا روؤں خیرہ چشمی بخت سیاہ کو
واں شغل سرمہ ہے ابھی یاں سیل ڈھل گیا
کی مجھ کو ہاتھ ملنے کی تعلیم ورنہ کیوں
غیروں کو آگے بزم میں وہ عطر مل گیا
اس کوچے کی ہوا تھی کہ میری ہی آہ تھی
کوئی تو دل کی آگ پہ پنکھا سا جھل گیا
جوں خفتگان خاک ہے اپنی فتادگی
آیا جو زلزلہ کبھی کروٹ بدل گیا
اس نقش پا کے سجدے نے کیا کیا کیا ذلیل
میں کوچۂ رقیب میں بھی سر کے بل گیا
کچھ جی گرا پڑے تھا پر اب تو نے ناز سے
مجھ کو گرا دیا تو مرا جی سنبھل گیا
مل جائے گر یہ خاک میں اس نے وہاں کی خاک
گل کی تھی کیوں کہ پاؤں وہ نازک پھسل گیا
بت خانے سے نہ کعبے کو تکلیف دے مجھے
مومنؔ بس اب معاف کہ یاں جی بہل گیا
Aag ashk-e-garm ko lage ji kya hi jal gaya
Aag ashk-e-garm ko lage ji kya hi jal gaya
Aansoo cho us ne poonchhe shab aur haath phul gaya
Phoda tha dil na tha yeh muye par khalal gaya
Jab thees saans ki lagi dam hi nikal gaya
Kya ro'un kheragi-e-chashmi-e-bakht-e-siyah ko
Waan shughl-e-surma hai abhi yaan sail dhal gaya
Ki mujh ko haath malne ki ta'aleem varna kyun
Ghairon ko aage bazm mein woh itr mil gaya
Us koochale ki hawa thi ke meri hi aah thi
Koi to dil ki aag pe pankha sa jhal gaya
Joon khuftgaan-e-khaak hai apni fitaadgi
Aaya jo zalzala kabhi karwat badal gaya
Is naqsh-e-paa ke sajde ne kya kya zaleel
Main koocha-e-raqib mein bhi sar ke bal gaya
Kuch ji gira pade tha par ab tu ne naaz se
Mujh ko gira diya to mera ji sambhal gaya
Mil jaaye gar yeh khaak mein us ne wahan ki khaak
Gul ki thi kyun ke paa'on woh nazuk phisal gaya
But-khane se na Ka'abe ko takleef de mujhe
Momin bas ab mu'aaf ke yaan ji bahal gaya
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں