عدم میں رہتے تو شاد رہتے اسے بھی فکر ستم نہ ہوتا — مومن خان مومن
شاعر
عدم میں رہتے تو شاد رہتے اسے بھی فکر ستم نہ ہوتا
عدم میں رہتے تو شاد رہتے اسے بھی فکر ستم نہ ہوتا
جو ہم نہ ہوتے تو دل نہ ہوتا جو دل نہ ہوتا تو غم نہ ہوتا
ہوئی خجالت سے نفرت افزوں گلے کیے خوب آخریں دم
وہ کاش اک دم ٹھہر کے آتے کہ میرے لب پر بھی دم نہ ہوتا
پڑا ہی مرنا بس اب تو ہم کو جو اس نے خط پڑھ کے نامہ بر سے
کہا کہ گر سچ یہ حال ہوتا تو دفتر اتنا رقم نہ ہوتا
کسی کے جلنے کا دھیان آیا وگرنہ دود فغاں سے میرے
اگر ہزاروں سپہر بنتے تمہاری آنکھوں میں نم نہ ہوتا
جو آپ در سے اٹھا نہ دیتے کہیں نہ کرتا میں جبہہ سائی
اگرچہ یہ سر نوشت میں تھا تمہارے سر کی قسم نہ ہوتا
وصال کو ہم ترس رہے تھے جو اب ہوا تو مزا نہ پایا
عدو کے مرنے کی جب خوشی تھی کہ اس کو رنج و الم نہ ہوتا
جہان تنگ و ہجوم وحشت غرض کہ دم پر بری بنی تھی
کہاں میں جاتا نہ جی ٹھہرتا کہیں جو دشت عدم نہ ہوتا
مگر رقیبوں نے سر اٹھایا کہ یہ نہ ہوتا تو بے مروت
نظر سے ظاہر حیا نہ ہوتی حیا سے گردن میں خم نہ ہوتا
وہاں ترقی جمال کو ہے یہاں محبت ہے روز افزوں
شریک زیبا تھا بوالہوس بھی جو بے وفائی میں کم نہ ہوتا
غلط کہ صانع کو ہو گوارا خراش انگشت ہائے نازک
جواب خط کی امید رکھتے جو قول جف القلم نہ ہوتا
یہ بے تکلف پھرا رہی ہے کشش دل عاشقاں کی اس کو
وگرنہ ایسی نزاکتوں پہ خرام ناز اک قدم نہ ہوتا
وصال تو ہے کہاں میسر مگر خیال وصال ہی میں
مزے اڑاتے ہوس نکلتی جو ساتھ انداز رم نہ ہوتا
ہوا مسلماں میں اور ڈر سے نہ درس واعظ کو سن کے مومنؔ
بنی تھی دوزخ بلا سے بنتی عذاب ہجر صنم نہ ہوتا
Adam mein rehte to shad rehte use bhi fikr-e-sitam na hota
Adam mein rehte to shaad rehte use bhi fikr-e-sitam na hota
Jo hum na hote to dil na hota jo dil na hota to gham na hota
Hui khajalat se nafrat afzoon, gale kiye khoob aakhir-een dam
Woh kaash ek dam thehar ke aate ke mere lab par bhi dam na hota
Pada hi marna bas ab to hum ko jo us ne khat padh ke nama-bar se
Kaha ke gar sach yeh haal hota to daftar itna raqam na hota
Kisi ke jalne ka dhyan aaya wagarna dood-e-fughan se mere
Agar hazaron sipahr bante tumhari aankhon mein nam na hota
Jo aap dar se utha na dete kaheen na karta main jabha-saai
Agarcha yeh sar nasht mein tha, tumhare sar ki qasam na hota
Visal ko hum taras rahe the jo ab hua to maza na paya
Adu ke marne ki jab khushi thi ke us ko ranj-o-alam na hota
Jahan tang-o-hujoom-e-wahshat gharaz ke dam par buri bani thi
Kahan main jata, na ji theharta kaheen jo dasht-e-adam na hota
Magar raqeebon ne sar uthaya ke yeh na hota to be-murawwat
Nazar se zahir haya na hoti, haya se gardan mein kham na hota
Wahan taraqqi-e-jamal ko hai yahan mohabbat hai roz afzoon
Shareek-e-zeba tha bawalahaus bhi jo bewafai mein kam na hota
Ghalat ke sane' ko ho gawara kharaash angusht-ha-e-nazuk
Jawab-e-khat ki ummeed rakhte jo qaul-e-jaff-ul-qalam na hota
Yeh be-takalluf phira rahi hai kashish-e-dil-e-aashiqaan ki us ko
Wagarna aisi nazakatoun pe khiram-e-naaz ek qadam na hota
Visal to hai kahan mayassar magar khayal-e-visal hi mein
Maze udate hawas nikalti jo saath andaz-e-ram na hota
Hua Musalman main aur dar se na dars-e-waiz ko sun ke Momin!
Bani thi dozakh bala se banti azaab-e-hijr-e-sanam na hota
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں