اے آرزوئے قتل ذرا دل کو تھامنا — مومن خان مومن
شاعر
اے آرزوئے قتل ذرا دل کو تھامنا
اے آرزوئے قتل ذرا دل کو تھامنا
مشکل پڑا مرا مرے قاتل کو تھامنا
تاثیر بیقراری ناکام آفریں
ہے کام ان سے شوخ شمائل کو تھامنا
دیکھے ہے چاندنی وہ زمیں پر نہ گر پڑے
اے چرخ اپنے تو مہ کامل کو تھامنا
مضطر ہوں کس کا طرز سخن سے سمجھ گیا
اب ذکر کیا ہے سامع عاقل کو تھامنا
ہو صرصر فغاں سے نہ کیونکر وہ مضطرب
مشکل ہوا ہے پردۂ محمل کو تھامنا
سیکھے ہیں مجھ سے نالۂ نے آسماں شکن
صیاد اب قفس میں عنادل کو تھامنا
یہ زلف خم بہ خم نہ ہو کیا تاب غیر ہے
تیرے جنوں زدے کی سلاسل کو تھامنا
اے ہمدم آہ تلخی ہجراں سے دم نہیں
گرتا ہے دیکھ جام ہلاہل کو تھامنا
سیماب وار مر گئے ضبط قلق سے ہم
کیا قہر ہے طبیعت مائل کو تھامنا
آغوش گور ہو گئی آخر لہولہان
آساں نہیں ہے آپ کے بسمل کو تھامنا
سینہ پہ ہاتھ دھرتے ہی کچھ دم پہ بن گئی
لو جان کا عذاب ہوا دل کو تھامنا
باقی ہے شوق چاک گریباں ابھی مجھے
بس اے رفوگر اپنی انامل کو تھامنا
مت مانگیو امان بتوں سے کہ ہے حرام
مومنؔ زبان بیہودہ سائل کو تھامنا
Ae aarzoo-e-qatl zara dil ko thaamna
Ae aarzoo-e-qatl zara dil ko thaamna
Mushkil pada mera mere qatil ko thaamna
Taaseer-e-beqarari nakaam aafreen
Hai kaam un se shokh shamaail ko thaamna
Dekhe hai chandni woh zameen par na gir pade
Ae charkh apne tu mah-e-kaamil ko thaamna
Muztar hoon kis ka tarz-e-sukhan se samajh gaya
Ab zikr kya hai saame'a-e-aaqil ko thaamna
Ho sarsar-e-fughaan se na kyunkar woh muztarib
Mushkil hua hai parda-e-mahmal ko thaamna
Seekhe hain mujh se naala ne aasmaan shikan
Sayyad ab qafas mein anaadil ko thaamna
Yeh zulf-e-kham-ba-kham na ho kya taab-e-ghair hai
Tere junoon-zade ki salasil ko thaamna
Ae hamdam aah talakhi-e-hijraan se dam nahin
Girta hai dekh jaam-e-halahal ko thaamna
Seemaab-waar mar gaye zabt-e-qalaq se hum
Kya qahr hai tabiyat-e-maa'il ko thaamna
Aaghosh-e-gor ho gayi aakhir lahoo-lahaan
Aasaan nahin hai aap ke bismil ko thaamna
Seena pe haath dharte hi kuch dam pe ban gayi
Lo jaan ka azaab hua dil ko thaamna
Baaqi hai shauq-e-chaak-e-garebaan abhi mujhe
Bas ae rafoogar apni anaamil ko thaamna
Mat maangiyo amaan buton se ke hai haraam
Momin zubaan-e-behooda saa'il ko thaamna
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں