چل پرے ہٹ مجھے نہ دکھلا منہ — مومن خان مومن
شاعر
چل پرے ہٹ مجھے نہ دکھلا منہ
چل پرے ہٹ مجھے نہ دکھلا منہ
اے شب ہجر تیرا کالا منہ
آرزوئے نظارہ تھی تو نے
اتنی ہی بات پر چھپایا منہ
دشمنوں سے بگڑ گئی تو بھی
دیکھتے ہی مجھے بنایا منہ
بات پوری بھی منہ سے نکلی نہیں
آپ نے گالیوں پہ کھولا منہ
ہو گیا راز عشق بے پردہ
اس نے پردے سے جو نکالا منہ
شب غم کا بیان کیا کیجئے
ہے بڑی بات اور چھوٹا منہ
جب کہا یار سے دکھا صورت
ہنس کے بولا کہ دیکھو اپنا منہ
کس کو خون جگر پلائے گا
ساغر مے کو کیوں لگایا منہ
پھر گئی آنکھ مثل قبلہ نما
جس طرف اس صنم نے پھیرا منہ
گھر میں بیٹھے تھے کچھ اداس سے وہ
بولے بس دیکھتے ہی میرا منہ
ہم بھی غمگین سے ہیں آج کہیں
صبح اٹھے تھے دیکھ تیرا منہ
سنگ اسود نہیں ہے چشم بتاں
بوسہ مومنؔ طلب کرے کیا منہ
Chal pare hat mujhe na dikhla munh
Chal pare hat mujhe na dikhla munh
Ae shab-e-hijr tera kala munh
Aarzoo-e-nazzara thi tu ne
Itni hi baat par chhupaya munh
Dushmanon se bigad gayi tu bhi
Dekhte hi mujhe banaya munh
Baat poori bhi munh se nikli nahin
Aap ne gaaliyon pe khola munh
Ho gaya raaz-e-ishq be-parda
Us ne parde se jo nikala munh
Shab-e-gham ka bayan kya keejiye
Hai badi baat aur chhota munh
Jab kaha yaar se dikha surat
Hans ke bola ke dekho apna munh
Kis ko khoon-e-jigar pilayega
Saaghar-e-mai ko kyun lagaya munh
Phir gayi aankh misl-e-qibla numa
Jis taraf us sanam ne phera munh
Ghar mein baithe the kuch udaas se woh
Bole bas dekhte hi mera munh
Hum bhi ghamgeen se hain aaj kahin
Subh uthe the dekh tera munh
Sang-e-aswad nahin hai chashm-e-butaan
Bosa Momin talab kare kya munh
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں