دیدۂ حیراں نے تماشا کیا — مومن خان مومن
شاعر
دیدۂ حیراں نے تماشا کیا
دیدۂ حیراں نے تماشا کیا
دیر تلک وہ مجھے دیکھا کیا
ضبط فغاں گو کہ اثر تھا کیا
حوصلہ کیا کیا نہ کیا کیا کیا
آنکھ نہ لگنے سے شب احباب نے
آنکھ کے لگ جانے کا چرچا کیا
مر گئے اس کے لب جاں بخش پر
ہم نے علاج آپ ہی اپنا کیا
بجھ گئی اک آہ میں شمع حیات
مجھ کو دم سرد نے ٹھنڈا کیا
غیر عیادت سے برا مانتے
قتل کیا آن کے اچھا کیا
ان سے پری وش کو نہ دیکھے کوئی
مجھ کو مری شرم نے رسوا کیا
زندگیٔ ہجر بھی اک موت تھی
مرگ نے کیا کار مسیحا کیا
پان میں یہ رنگ کہاں آپ نے
آپ مرے خون کا دعویٰ کیا
جور کا شکوہ نہ کروں ظلم ہے
راز مرا صبر نے افشا کیا
کچھ بھی بن آتی نہیں کیا کیجیے
اس کے بگڑنے نے کچھ ایسا کیا
جائے تھی تیری مرے دل میں سو ہے
غیر سے کیوں شکوۂ بے جا کیا
رحم فلک اور مرے حال پر
تو نے کرم اے ستم آرا کیا
سچ ہی سہی آپ کا پیماں ولے
مرگ نے کب وعدۂ فردا کیا
دعویٔ تکلیف سے جلاد نے
روز جزا قتل پھر اپنا کیا
مرگ نے ہجراں میں چھپایا ہے منہ
لو منہ اسی پردہ نشیں کا کیا
دشمن مومنؔ ہی رہے بت سدا
مجھ سے مرے نام نے یہ کیا کیا
Deeda-e-hairaan ne tamasha kiya
Deeda-e-hairaan ne tamasha kiya
Der talak woh mujhe dekha kiya
Zabt-e-fughaan go ke asar tha kya
Hausla kya kya na kiya kya kya
Aankh na lagne se shab ahbaab ne
Aankh ke lag jaane ka charcha kiya
Mar gaye us ke lab-e-jaan-bakhsh par
Hum ne ilaaj aap hi apna kiya
Bujh gayi ek aah mein sham'a-e-hayaat
Mujh ko dam-e-sard ne thanda kiya
Ghair iyaadat se bura maante
Qatl kiya aan ke achha kiya
Un se pari wash ko na dekhe koi
Mujh ko meri sharm ne ruswa kiya
Zindagi-e-hijr bhi ek maut thi
Marg ne kya kaar-e-maseeha kiya
Paan mein yeh rang kahan aap ne
Aap mere khoon ka da'wa kiya
Jaur ka shikwa na karoon zulm hai
Raaz mera sabr ne ifsha kiya
Kuch bhi ban aati nahin kya keejiye
Us ke bigadne ne kuch aisa kiya
Jaye thi teri mere dil mein so hai
Ghair se kyun shikwa-e-be-ja kiya
Rahm falak aur mere haal par
Tu ne karam ae sitam-aara kiya
Sach hi sahi aap ka paimaan vale
Marg ne kab wa'ada-e-farda kiya
Da'wa-e-takleef se jallad ne
Roz-e-jaza qatl phir apna kiya
Marg ne hijraan mein chhupaya hai munh
Lo munh usi parda-nasheen ka kya
Dushman Momin hi rahe but sada
Mujh se mere naam ne yeh kya kya
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں