دل میں اس شوخ کے جو راہ نہ کی — مومن خان مومن
شاعر
دل میں اس شوخ کے جو راہ نہ کی
دل میں اس شوخ کے جو راہ نہ کی
ہم نے بھی جان دی پر آہ نہ کی
پردہ پوشی ضرور تھی اے چرخ
کیوں شب بوالہوس سیاہ نہ کی
تشنہ لب ایسے ہم گرے مے پر
کہ کبھی سیر عید گاہ نہ کی
اس کو دشمن سے کیا بچائے وہ چرخ
جس نے تدبیر خسف ماہ نہ کی
کون ایسا کہ اس سے پوچھے کیوں
پرسش حال داد خواہ نہ کی
تھا بہت شوق وصل تو نے تو
کمی اے حسن تاب گاہ نہ کی
عشق میں کام کچھ نہیں آتا
گر نہ کی حرص و مال و جاہ نہ کی
تاب کم ظرف کو کہاں تم نے
دشمنی کی عدو سے چاہ نہ کی
میں بھی کچھ خوش نہیں وفا کر کے
تم نے اچھا کیا نباہ نہ کی
محتسب یہ ستم غریبوں پر
کبھی تنبیہ بادشاہ نہ کی
گریہ و آہ بے اثر دونوں
کس نے کشتی مری تباہ نہ کی
تھا مقدر میں اس سے کم ملنا
کیوں ملاقات گاہ گاہ نہ کی
دیکھ دشمن کو اٹھ گیا بے دید
میرے احوال پر نگاہ نہ کی
مومنؔ اس ذہن بے خطا پر حیف
فکر آمرزش گناہ نہ کی
Dil mein us shokh ke jo raah na ki
Dil mein us shokh ke jo raah na ki
Hum ne bhi jaan di par aah na ki
Parda-poshi zaroor thi ae charkh
Kyun shab-e-bulhavas siyah na ki
Tishna lab aise hum gire mai par
Ke kabhi sair-e-eidgaah na ki
Uss ko dushman se kya bachaaye woh charkh
Jis ne tadbeer-e-khasf-e-maah na ki
Kaun aisa ke us se poochhe kyun
Pursish-e-haal-e-daad khwah na ki
Tha bahut shauq-e-wasl tu ne to
Kami ae husn taab-e-gaah na ki
Ishq mein kaam kuch nahin aata
Gar na ki hirs o maal o jaah na ki
Taab-e-kam zarf ko kahan tum ne
Dushmani ki adoo se chaah na ki
Main bhi kuch khush nahin wafa kar kar ke
Tum ne achha kiya nibaah na ki
Muhtasib yeh sitam ghareebon par
Kabhi tanbeeh-e-badshah na ki
Girya o aah be-asar donon
Kis ne kashti meri tabah na ki
Tha muqaddar mein us se kam milna
Kyun mulaqaat gaah gaah na ki
Dekh dushman ko uth gaya be-deed
Mere ahwaal par nigaah na ki
Momin us zehn-e-be-khata par haif
Fikr-e-aamarzish-e-gunaah na ki
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں