اعجاز جاں دہی ہے ہمارے کلام کو — مومن خان مومن
شاعر
اعجاز جاں دہی ہے ہمارے کلام کو
اعجاز جاں دہی ہے ہمارے کلام کو
زندہ کیا ہے ہم نے مسیحا کے نام کو
لکھو سلام غیر کے خط میں غلام کو
بندے کا بس سلام ہے ایسے سلام کو
اب شور ہے مثال جو دی اس خرام کو
یوں کون جانتا تھا قیامت کے نام کو
آتا ہے بہر قتل وہ دور اے ہجوم یاس
گھبرا نہ جائے دیکھ کہیں ازدحام کو
گو آپ نے جواب برا ہی دیا ولے
مجھ سے بیاں نہ کیجے عدو کے پیام کو
یاں وصل ہے تلافی ہجراں میں اے فلک
کیوں سوچتا ہے تازہ ستم انتقام کو
تیرے سمند ناز کی بے جا شرارتیں
کرتے ہیں آگ نالۂ اندیشہ کام کو
گریے پہ میرے زندہ دلو ہنستے کیا ہو آہ
روتا ہوں اپنے میں دل جنت مقام کو
سہ سہ کے نادرست تری خو بگاڑ دی
ہم نے خراب آپ کیا اپنے کام کو
اس سے جلا کے غیر کو امید پختگی
لگ جائے آگ دل کے خیالات خام کو
بخت سپید آئنہ داری کرے تو میں
دکھلاؤں دل کے جور اس آئینہ فام کو
جب تو چلے جنازۂ عاشق کے ساتھ ساتھ
پھر کون وارثوں کے سنے اذن عام کو
شاید کہ دن پھرے ہیں کسی تیرہ روز کے
اب غیر اس گلی میں نہیں پھرتے شام کو
مدت سے نام سنتے تھے مومنؔ کا بارے آج
دیکھا بھی ہم نے اس شعرا کے امام کو
Ejaz-e-jaan-dehi hai hamare kalam ko
Ejaz-e-jaan-dehi hai hamare kalam ko
Zinda kiya hai hum ne Masiha ke naam ko
Likho salam ghair ke khat mein ghulam ko
Bande ka bas salam hai aise salam ko
Ab shor hai misal jo di us khiram ko
Yun kaun jaanta tha qayamat ke naam ko
Aata hai behr-e-qatil woh daur ae hujoom-e-yaas
Ghabra na jaae dekh kahin izdiham ko
Go aap ne jawab bura hi diya wale
Mujh se bayan na keejiye adoo ke payam ko
Yaan vasl hai talafi-e-hijran mein ae falak
Kyun sochta hai taza sitam intiqam ko
Tere samand-e-naz ki beja sharartein
Karte hain aag naleh andesha kaam ko
Gireye pe mere zinda dilo hanste kya ho aah
Rota hoon apne mein dil jannat maqam ko
Seh seh ke nadurust teri kho bigaad di
Hum ne kharab aap kiya apne kaam ko
Is se jala ke ghair ko ummeed-e-pukhtagi
Lag jaae aag dil ke khayalat-e-kham ko
Bakht-e-safed aaina-dari kare to main
Dikhlauun dil ke jaur us aaina-faam ko
Jab tu chale janaza aashiq ke saath saath
Phir kaun warison ke sune izn-e-aam ko
Shaayad ke din phire hain kisi teerah-roz ke
Ab ghair us gali mein nahin phirte sham ko
Muddat se naam sunte the Momin! ka baare aaj
Dekha bhi hum ne us sho'ara ke imam ko
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں