غیروں پہ کھل نہ جائے کہیں راز دیکھنا — مومن خان مومن
شاعر
غیروں پہ کھل نہ جائے کہیں راز دیکھنا
غیروں پہ کھل نہ جائے کہیں راز دیکھنا
میری طرف بھی غمزۂ غماز دیکھنا
اڑتے ہی رنگ رخ مرا نظروں سے تھا نہاں
اس مرغ پر شکستہ کی پرواز دیکھنا
دشنام یار طبع حزیں پر گراں نہیں
اے ہم نفس نزاکت آواز دیکھنا
دیکھ اپنا حال زار منجم ہوا رقیب
تھا سازگار طالع ناساز دیکھنا
بد کام کا مآل برا ہے جزا کے دن
حال سپہر تفرقہ انداز دیکھنا
مت رکھیو گرد تارک عشاق پر قدم
پامال ہو نہ جائے سرافراز دیکھنا
میری نگاہ خیرہ دکھاتے ہیں غیر کو
بے طاقتی پہ سرزنش ناز دیکھنا
ترک صنم بھی کم نہیں سوز جحیم سے
مومنؔ غم مآل کا آغاز دیکھنا
Ghairon pe khul na jaaye kahin raaz dekhna
Ghairon pe khul na jaaye kahin raaz dekhna
Meri taraf bhi ghamza-e-ghammaz dekhna
Udate hi rang-e-rukh mera nazron se tha nihaan
Uss murgh-e-par-shikasta ki parwaaz dekhna
Dushnam-e-yaar tab-e-hazeen par giraan nahin
Aye hamnafas nazaakat-e-aawaaz dekhna
Dekh apna haal-e-zaar munjamid hua raqeeb
Tha saazgaar taal-e-naasaaz dekhna
Bad kaam ka maal bura hai jazaa ke din
Haal-e-sipahar-e-tafriqa-andaaz dekhna
Mat rakhiyo gard-e-taarak-e-ushaaq par qadam
Paamaal ho na jaaye sarfaraaz dekhna
Meri nigaah-e-khaira dikhaate hain ghair ko
Be-taaqati pe sarzanash-e-naaz dekhna
Tark-e-sanam bhi kam nahin soz-e-jaheem se
Momin gham-e-maal ka aaghaaz dekhna
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں