ہو نہ بیتاب ادا تمہاری آج — مومن خان مومن
شاعر
ہو نہ بیتاب ادا تمہاری آج
ہو نہ بیتاب ادا تمہاری آج
ناز کرتی ہے بے قراری آج
اڑ گیا خاک پر غبار اپنا
ہو گئی خاک خاکساری آج
نزع ہے اور روز وعدۂ وصل
ہے بہر طور دم شماری آج
مانع قتل کیوں ہوا دشمن
جان ہی جائے گی ہماری آج
تیرے آتے ہی دم میں دم آیا
ہو گئی یاس امیدواری آج
کوئی بھینچے ہے دل کو پہلو میں
کس نے کی اس سے ہم کناری آج
اس کے شکوے سے ہے اثر ظاہر
کچھ تو کہتی ہے آہ و زاری آج
اک نئی آرزو کا خون ہوا
ہم ہیں اور تازہ سوگواری آج
چھٹ گئے مر کے نیش ہجراں سے
کام آیا ہے زخم کاری آج
بیکسی کیوں ہے نعش پر مجمع
کیا ہوئی تو مری پیاری آج
بھولے حضرت نصیحت اے ناصح
ہے کسی کی تو یادگاری آج
مومنؔ اس بت کو دیکھ آہ بھری
کیا ہوا لاف دین داری آج
Ho na betaab ada tumhari aaj
Ho na betaab ada tumhari aaj
Naz karti hai be-qarari aaj
Ud gaya khak par ghubar apna
Ho gayi khak-e-khaksari aaj
Naza' hai aur roz-e-va'ada-e-vasl
Hai bahar-e-taur dam-shumari aaj
Mane-e-qatil kyun hua dushman
Jaan hi jaayegi hamari aaj
Tere aate hi dam mein dam aaya
Ho gayi yaas-e-ummeedwari aaj
Koi bheinche hai dil ko pehloo mein
Kis ne ki us se hum-kinari aaj
Us ke shikwe se hai asar zahir
Kuchh to kehti hai aah-o-zari aaj
Ek nayi aarzoo ka khoon hua
Hum hain aur taza sogwari aaj
Chhut gaye mar ke nesh-e-hijran se
Kaam aaya hai zakhm-e-kari aaj
Bekasi kyun hai na'ash par majma'
Kya hui tu meri pyari aaj
Bhoole Hazrat nasihat ae nasih
Hai kisi ki to yaadgari aaj
Momin! us but ko dekh aah bhari
Kya hua laf-e-deen-dari aaj
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں