ہوئی تاثیر آہ و زاری کی — مومن خان مومن
شاعر
ہوئی تاثیر آہ و زاری کی
ہوئی تاثیر آہ و زاری کی
رہ گئی بات بے قراری کی
شکوۂ دشمنی کریں کس سے
واں شکایت ہے دوست داری کی
مبتلائے شب فراق ہوئے
ضد سے ہم تیرہ روزگاری کی
یاد آئی جو گرمجوشیٔ یار
دیدۂ تر نے شعلہ باری کی
کیوں نہ ڈر جاؤں دیکھ کر وہ زلف
ہے شب ہجر کی سی تاریکی
یاس دیکھو کہ غیر سے کہہ دی
بات اپنی امیدواری کی
بس کہ ہے یار کی کمر کا خیال
شعر کی سوجھتی ہے باریکی
کر دے روز جزا شب دیجور
ظلمت اپنی سیاہ کاری کی
تیرے ابرو کی یاد میں ہم نے
ناخن غم سے دل فگاری کی
قتل دشمن کا ہے ارادہ اسے
یہ سزا اپنی جاں نثاری کی
کیا مسلماں ہوئے کہ اے مومنؔ
حاصل اس بت سے شرمساری کی
hui ta'seer aah-o-zari ki
hui ta'seer aah-o-zari ki
rah gayi baat be-qarari ki
shikwa dushmani karein kis se
wahan shikayat hai dost-dari ki
mubtala-e-shab-e-firaq hue
zid se hum teerah-rozgari ki
yaad aayi jo garm-joshi-e-yar
deeda-e-tar ne shola-bari ki
kyun na dar jaaun dekh kar wo zulf
hai shab-e-hijr ki si tareeki
yaas dekho ki ghair se kah di
baat apni ummeedwari ki
bas ki hai yar ki kamar ka khayal
sher ki sujhti hai bariki
kar de roz-e-jaza shab-e-daijoor
zulmat apni siyah-kari ki
tere abroo ki yaad mein hum ne
nakhun-e-gham se dil-figari ki
qatl-e-dushman ka hai irada use
ye saza apni jaan-nisari ki
kya musalman hue ki ae Momin!
hasil is but se sharmasari ki
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں