ہم سمجھتے ہیں آزمانے کو — مومن خان مومن
شاعر
ہم سمجھتے ہیں آزمانے کو
ہم سمجھتے ہیں آزمانے کو
عذر کچھ چاہیئے ستانے کو
سنگ در سے ترے نکالی آگ
ہم نے دشمن کا گھر جلانے کو
صبح عشرت ہے وہ نہ شام وصال
ہائے کیا ہو گیا زمانے کو
بوالہوس روئے میرے گریہ پہ اب
منہ کہاں تیرے مسکرانے کو
برق کا آسمان پر ہے دماغ
پھونک کر میرے آشیانے کو
سنگ سودا جنوں میں لیتے ہیں
اپنا ہم مقبرہ بنانے کو
شکوہ ہے غیر کی کدورت کا
سو مرے خاک میں ملانے کو
روز محشر بھی ہوش گر آیا
جائیں گے ہم شراب خانے کو
سن کے وصف اس پہ مر گیا ہمدم
خوب آیا تھا غم اٹھانے کو
کوئی دن ہم جہاں میں بیٹھے ہیں
آسماں کے ستم اٹھانے کو
چل کے کعبہ میں سجدہ کر مومنؔ
چھوڑ اس بت کے آستانے کو
نقش پائے رقیب کی محراب
نہیں زیبندہ سر جھکانے کو
Hum samajhte hain aazmane ko
Hum samajhte hain aazmane ko
Uzr kuchh chahiye satane ko
Sang-e-dar se tere nikali aag
Hum ne dushman ka ghar jalane ko
Subh-e-ishrat hai woh na shaam-e-visal
Haaye kya ho gaya zamane ko
Bawalahaus roye mere girya pe ab
Munh kahan tere muskurane ko
Barq ka asman par hai dimagh
Phoonk kar mere aashiyane ko
Sang-e-sauda junoon mein lete hain
Apna hum maqbara banane ko
Shikwa hai ghair ki kudurat ka
Sau mere khaak mein milane ko
Roz-e-mehshar bhi hosh gar aaya
Jaayenge hum sharab-khane ko
Sun ke wasf us pe mar gaya hamdam
Khoob aaya tha gham uthane ko
Koi din hum jahan mein baithe hain
Asman ke sitam uthane ko
Chal ke Ka'ba mein sajda kar Momin!
Chhod us but ke aastane ko
Naqsh-e-paa-e-raqib ki mehrab
Nahin zaibanda sar jhukane ko
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں