امتحاں کے لیے جفا کب تک — مومن خان مومن
شاعر
امتحاں کے لیے جفا کب تک
امتحاں کے لیے جفا کب تک
التفات ستم نما کب تک
غیر ہے بے وفا پہ تم تو کہو
ہے ارادہ نباہ کا کب تک
جرم معلوم ہے زلیخا کا
طعنۂ دست نارسا کب تک
مجھ پہ عاشق نہیں ہے کچھ ظالم
صبر آخر کرے وفا کب تک
دیکھیے خاک میں ملاتی ہے
نگہ چشم سرمہ سا کب تک
کہیں آنکھیں دکھا چکو مجھ کو
جانب غیر دیکھنا کب تک
نہ ملائیں گے وہ نہ آئیں گے
جوش لبیک و مرحبا کب تک
ہوش میں آ تو مجھ میں جان نہیں
غفلت جرأت آزما کب تک
لے شب وصل غیر بھی کاٹی
تو مجھے آزمائے گا کب تک
تم کو خو ہو گئی برائی کی
درگزر کیجیئے بھلا کب تک
مر چلے اب تو اس صنم سے ملیں
مومنؔ اندیشۂ خدا کب تک
Imtihan ke liye jafa kab tak
Imtihan ke liye jafa kab tak
Iltifat-e-sitam-numa kab tak
Ghair hai bewafa pe tum to kaho
Hai irada nibah ka kab tak
Jurm maloom hai Zulaikha ka
Taana-e-dast-e-narasa kab tak
Mujh pe aashiq nahin hai kuchh zalim
Sabr aakhir kare wafa kab tak
Dekhiye khak mein milati hai
Nigah-e-chashm-e-surma-sa kab tak
Kahin aankhen dikha chuko mujh ko
Janib-e-ghair dekhna kab tak
Na milaayenge woh na aayenge
Josh-e-labbaik o marhaba kab tak
Hosh mein aa to mujh mein jaan nahin
Ghaflat-e-jurrat-azma kab tak
Le shab-e-vasl ghair bhi kaati
Tu mujhe aazmaayega kab tak
Tum ko kho ho gayi burai ki
Darguzar keejiye bhala kab tak
Mar chale ab to us sanam se milein
Momin! andesha-e-khuda kab tak
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں