محشر میں پاس کیوں دم فریاد آ گیا — مومن خان مومن
شاعر
محشر میں پاس کیوں دم فریاد آ گیا
محشر میں پاس کیوں دم فریاد آ گیا
رحم اس نے کب کیا تھا کہ اب یاد آ گیا
الجھا ہے پانوں یار کا زلف دراز میں
لو آپ اپنے دام میں صیاد آ گیا
ناکامیوں میں تم نے جو تشبیہ مجھ سے دی
شیریں کو درد تلخی فرہاد آ گیا
ہم چارہ گر کو یوں ہی پنہائیں گے بیڑیاں
قابو میں اپنے گر وہ پری زاد آ گیا
دل کو قلق ہے ترک محبت کے بعد بھی
اب آسماں کو شکوۂ بیداد آ گیا
وہ بدگماں ہوا جو کہیں شعر میں مرے
ذکر بتان خلخ و نوشاد آ گیا
تھے بے گناہ جرأت پا بوس تھی ضرور
کیا کرتے وہم خجلت جلاد آ گیا
جو ہو چکا یقیں کہ نہیں طاقت وصال
دم میں ہمارے وہ ستم ایجاد آ گیا
ذکر شراب و حور کلام خدا میں دیکھ
مومنؔ میں کیا کہوں مجھے کیا یاد آ گیا
Mahshar mein paas kyun dam-e-faryaad aa gaya
Mahshar mein paas kyun dam-e-faryaad aa gaya
Reham usne kab kiya tha ke ab yaad aa gaya
Uljha hai paaon yaar ka zulf-e-daraaz mein
Lo aap apne daam mein sayyad aa gaya
Nakaamiyon mein tumne jo tashbeeh mujh se di
Shireen ko dard-e-talkhi-e-Farhad aa gaya
Hum chaaragaron ko yoon hi pehnayenge bediyan
Qaboo mein apne gar woh pari-zaad aa gaya
Dil ko qalaq hai tark-e-mohabbat ke baad bhi
Ab aasman ko shikwa-e-bedaad aa gaya
Woh badgumaan hua jo kahein sher mein mere
Zikr-e-butaan Khalkh-o-Naushad aa gaya
The be-gunaah jurrat-e-paa-bos thi zaroor
Kya karte wahm-e-khijlat-e-jallad aa gaya
Jo ho chuka yaqeen ke nahin taaqat-e-wisaal
Dam mein humare woh sitam-eejaad aa gaya
Zikr-e-sharaab-o-hoor kalaam-e-Khuda mein dekh
Momin main kya kahoon mujhe kya yaad aa gaya
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں