مومنؔ خدا کے واسطے ایسا مکاں نہ چھوڑ — مومن خان مومن
شاعر
مومنؔ خدا کے واسطے ایسا مکاں نہ چھوڑ
مومنؔ خدا کے واسطے ایسا مکاں نہ چھوڑ
دوزخ میں ڈال خلد کو کوئے بتاں نہ چھوڑ
عاشق تو جانتے ہیں وہ اے دل یہی سہی
ہر چند بے اثر ہے پر آہ و فغاں نہ چھوڑ
اس طبع نازنیں کو کہاں تاب انفعال
جاسوس میرے واسطے اے بد گماں نہ چھوڑ
ناچار دیں گے اور کسی خوب رو کو دل
اچھا تو اپنی خوئے بد اے بد زباں نہ چھوڑ
زخمی کیا عدو کو تو مرنا محال ہے
قربان جاؤں تیرے مجھے نیم جاں نہ چھوڑ
کچھ کچھ درست ضد سے تری ہو چلے ہیں وہ
یک چند اور کج روی اے آسماں نہ چھوڑ
جس کوچہ میں گزار صبا کا نہ ہو سکے
اے عندلیب اس کے لیے گلستاں نہ چھوڑ
گر پھر بھی اشک آئیں تو جانوں کہ عشق ہے
حقہ کا منہ سے غیر کی جانب دھواں نہ چھوڑ
ہوتا ہے اس جحیم میں حاصل وصال جور
مومنؔ عجب بہشت ہے دیر مغاں نہ چھوڑ
Momin! Khuda ke waste aisa makaan na chhod
Momin! Khuda ke waste aisa makaan na chhod
Dozakh mein daal khuld ko, kuu-e-butaan na chhod
Aashiq to jaante hain woh, ae dil! Yehi sahi
Har chand be-asar hai par aah-o-fughan na chhod
Is tab-e-nazneen ko kahan taab-e-infa'al
Jasoos mere waste ae bad-guman na chhod
Naachar denge aur kisi khoob-ru ko dil
Achha to apni khu-e-bad ae bad-zuban na chhod
Zakhmi kiya adoo ko to marna mahal hai
Qurban jaaun tere, mujhe neem-jaan na chhod
Kuchh kuchh durust zid se teri ho chale hain woh
Yak chand aur kaj-rawi ae asman na chhod
Jis koocha mein guzar saba ka na ho sake
Ae andaleeb, us ke liye gulistan na chhod
Gar phir bhi ashk aayen to jaanoon ke ishq hai
Huqqah ka munh se ghair ki jaanib dhuan na chhod
Hota hai is jaheem mein hasil visal-e-jaur
Momin! Ajab bahisht hai, dair-e-mughan na chhod
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں