راز نہاں زبان اغیار تک نہ پہنچا — مومن خان مومن
شاعر
راز نہاں زبان اغیار تک نہ پہنچا
راز نہاں زبان اغیار تک نہ پہنچا
کیا ایک بھی ہمارا خط یار تک نہ پہنچا
اللہ رے ناتوانی جب شدت قلق میں
بالیں سے سر اٹھایا دیوار تک نہ پہنچا
روتے تو رحم آتا سو اس کے روبرو تو
اک قطرہ خوں بھی چشم خوں بار تک نہ پہنچا
عاشق سے مت بیاں کر قتل عدو کا مژدہ
پیغام مرگ ہے یہ بیمار تک نہ پہنچا
بے بخت رنگ خوبی کس کام کا کہ میں تو
تھا گل ولے کسی کی دستار تک نہ پہنچا
مفت اول سخن میں عاشق نے جان دے دی
قاصد بیان تیرا اقرار تک نہ پہنچا
تھی خار راہ تیری مژگاں کی یاد پھر شب
تا صبح خواب چشم بیدار تک نہ پہنچا
بخت رسا عدو کے جو چاہے سو کہے اب
یک بار یار مجھ تک میں یار تک نہ پہنچا
غیروں سے اس نے ہرگز چھوڑی نہ ہاتھا پائی
جب تک اجل کا صدمہ دو چار تک نہ پہنچا
مومنؔ اسی نے مجھ سے دی برتری کسی کو
جو پست فہم میرے اشعار تک نہ پہنچا
Raz-e-nihan zaban-e-aghyar tak na pahuncha
Raz-e-nihan zaban-e-aghyar tak na pahuncha
Kya ek bhi hamara khat yaar tak na pahuncha
Allah re natavani jab shiddat-e-qalaq mein
Baalin se sar uthaya deewar tak na pahuncha
Rote to rahm aata so us ke rubaroo to
Ek qatra khoon bhi chashm-e-khoon-bar tak na pahuncha
Aashiq se mat bayan kar qatl-e-adoo ka muzhda
Paigham-e-marg hai yeh beemar tak na pahuncha
Be-bakht rang-e-khoobi kis kaam ka ke main to
Tha gul wale kisi ki dastar tak na pahuncha
Muft awwal sukhan mein aashiq ne jaan de di
Qasid bayan tera iqrar tak na pahuncha
Thi khaar-e-rah teri mizhgaan ki yaad phir shab
Ta subh khwab-e-chashm-e-bedar tak na pahuncha
Bakht-e-rasa adoo ke jo chahe so kahe ab
Yak baar yaar mujh tak mein yaar tak na pahuncha
Ghairon se us ne hargiz chhori na hathapai
Jab tak ajal ka sadma do-char tak na pahuncha
Momin! isi ne mujh se di bartari kisi ko
Jo past-fehm mere ash'ar tak na pahuncha
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں