صبر وحشت اثر نہ ہو جائے — مومن خان مومن
شاعر
صبر وحشت اثر نہ ہو جائے
صبر وحشت اثر نہ ہو جائے
کہیں صحرا بھی گھر نہ ہو جائے
رشک پیغام ہے عناں کش دل
نامہ بر راہبر نہ ہو جائے
دیکھو مت دیکھیو کہ آئینہ
غش تمہیں دیکھ کر نہ ہو جائے
ہجر پردہ نشیں میں مرتے ہیں
زندگی پردۂ در نہ ہو جائے
کثرت سجدہ سے وہ نقش قدم
کہیں پامال سر نہ ہو جائے
میرے تغییر رنگ کو مت دیکھ
تجھ کو اپنی نظر نہ ہو جائے
میرے آنسو نہ پونچھنا دیکھو
کہیں دامان تر نہ ہو جائے
بات ناصح سے کرتے ڈرتا ہوں
کہ فغاں بے اثر نہ ہو جائے
اے قیامت نہ آئیو جب تک
وہ مری گور پر نہ ہو جائے
مانع ظلم ہے تغافل یار
بخت بد کو خبر نہ ہو جائے
غیر سے بے حجاب ملتے ہو
شب عاشق سحر نہ ہو جائے
رشک دشمن کا فائدہ معلوم
مفت جی کا ضرر نہ ہو جائے
اے دل آہستہ آہ تاب شکن
دیکھ ٹکڑے جگر نہ ہو جائے
مومنؔ ایماں قبول دل سے مجھے
وہ بت آزردہ گر نہ ہو جائے
Sabr wahshat asar na ho jaye
Sabr wahshat asar na ho jaye
Kahin sahra bhi ghar na ho jaye
Rashk paigham hai inan-kash-e-dil
Nama-bar rah-bar na ho jaye
Dekho mat dekhiyo ke aaina
Ghash tumhein dekh kar na ho jaye
Hijr parda nasheen mein marte hain
Zindagi parda-dar na ho jaye
Kasrat-e-sajda se woh naqsh-e-qadam
Kahin pamaal-e-sar na ho jaye
Mere taghayyur-e-rang ko mat dekh
Tujh ko apni nazar na ho jaye
Mere aansoo na poonchhna dekho
Kahin daaman tar na ho jaye
Baat naasih se karte darta hoon
Ke fughan be-asar na ho jaye
Ae qayamat na aaiyo jab tak
Woh meri gor par na ho jaye
Mani'-e-zulm hai taghaful-e-yaar
Bakht-e-bad ko khabar na ho jaye
Ghair se be-hijab milte ho
Shab-e-aashiq sahar na ho jaye
Rashk-e-dushman ka fayda ma'loom
Muft ji ka zarar na ho jaye
Ae dil ahista aah taab-shikan
Dekh tukde jigar na ho jaye
Momin! Eeman qabool dil se mujhe
Woh but aazurda gar na ho jaye
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں