سودا تھا بلائے جوش پر رات — مومن خان مومن
شاعر
سودا تھا بلائے جوش پر رات
سودا تھا بلائے جوش پر رات
بستر پہ بچھائے نیشتر رات
بگڑے تھے یہاں وہ آن کر رات
بے طور بنی تھی جان پر رات
ہم تا سحر آپ میں نہیں تھے
کیا جانے رہے وہ کس کے گھر رات
افسانہ سمجھ کے سو گئے وہ
کام آئی فغان بے اثر رات
آئینے میں ہو نہ موم جادو
سوتے نہیں اب وہ تا سحر رات
تارے آنکھیں جھپک رہے تھے
تھا بام پہ کون جلوہ گر رات
اندھیر پڑا زمانے میں ہائے
نے دن کو ہے مہر نے قمر رات
اس لیل و نہار غم نے مارا
ہے روز سے سیاہ تر رات
کیا پوچھو ہو منکر و نکیر آہ
بگڑے جو وہ طعن غیر پر رات
یہ بات بڑھی کہ مر گئے ہم
موت آئی تھی قصہ مختصر رات
اس گھر میں ہے عیش خلد مومنؔ
کیا جانے کہاں ہے دن کدھر رات
sauda tha balā-e-josh par raat
sauda tha balā-e-josh par raat
bistar pe bichhaae neshtar raat
bigde the yahan wo aan kar raat
be-taur bani thi jaan par raat
hum ta-sahar aap mein nahin the
kya jaane rahe wo kis ke ghar raat
afsana samajh ke so gaye wo
kaam aayi fughān be-asar raat
aaine mein ho na mom-e-jadoo
sote nahin ab wo ta-sahar raat
tare aankhen jhapak rahe the
tha baam pe kaun jalwa-gar raat
andher pada zamane mein haay
ne din ko hai mehr ne qamar raat
is lail-o-nahar-e-gham ne mara
hai roz se siyah-tar raat
kya puchho ho munkar-o-nakir aah
bigde jo wo ta'n-e-ghair par raat
ye baat badhi ki mar gaye hum
maut aayi thi qissa mukhtasar raat
is ghar mein hai aish-e-khuld Momin!
kya jaane kahan hai din kidhar raat
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں