شوخ کہتا ہے بے حیا جانا — مومن خان مومن
شاعر
شوخ کہتا ہے بے حیا جانا
شوخ کہتا ہے بے حیا جانا
دیکھو دشمن نے تم کو کیا جانا
شعلۂ دل کو ناز تابش ہے
اپنا جلوہ ذرا دکھا جانا
شوق نے دورباش اعدا کو
اس کی محفل میں مرحبا جانا
اس کے اٹھتے ہی ہم جہاں سے اٹھے
کیا قیامت ہے دل کا آ جانا
گھر میں خود رفتگی سے دھوم مچی
کیونکے ہو اس تلک مرا جانا
پوچھنا حال یار ہے منظور
میں نے ناصح کا مدعا جانا
مے نہ اتری گلے سے جو اس بن
مجھ کو یاروں نے پارسا جانا
شکوہ کرتا ہے بے نیازی کا
تو نے مومنؔ بتوں کو کیا جانا
Shokh kehta hai be-haya jaana
Shokh kehta hai be-haya jaana
Dekho dushman ne tum ko kya jaana
Shola-e-dil ko naz-e-tabish hai
Apna jalwa zara dikha jaana
Shauq ne doorbash a'da ko
Us ki mehfil mein marhaba jaana
Us ke uthte hi hum jahan se uthe
Kya qayamat hai dil ka aa jaana
Ghar mein khud-raftagi se dhoom machi
Kyunki ho us talak mera jaana
Poochhna haal-e-yaar hai manzoor
Maine nasih ka mudda'a jaana
Mai na utri gale se jo us bin
Mujh ko yaron ne parsa jaana
Shikwa karta hai be-niyazi ka
Tu ne Momin! buton ko kya jaana
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں