تا نہ پڑے خلل کہیں آپ کے خواب ناز میں — مومن خان مومن
شاعر
تا نہ پڑے خلل کہیں آپ کے خواب ناز میں
تا نہ پڑے خلل کہیں آپ کے خواب ناز میں
ہم نہیں چاہتے کمی اپنی شب دراز میں
اور ہی رنگ آج ہے عارض گل عذار کا
خون دل اپنا تھا مگر گو نہ رخ طراز میں
کیونکہ نہ آدھی آدھی رات جاگے وہ جس کا دھیان ہو
آہوئے نیم خواب میں نرگس نیم باز میں
خسرو عیش وصل یار جاں کنی اور کوہ کن
اپنا جگر تو خوں ہوا عشق کے امتیاز میں
بن ترے بزم صور میں ہیں یہ قباحتیں کہ ہے
نغمۂ صور کا اثر نغمۂ نے نواز میں
ان سے اب التفات کی غیر کو ہیں شکایتیں
سن کے مرا مبالغہ منت احتراز میں
کیا سبھی سینے جل چکے کیا سبھی دل پگھل چکے
بوئے کباب اب نہیں آہ جگر گداز میں
پردہ نشیں کے عشق میں پردہ دری نہ ہو کہیں
ہوتی ہیں بے حجابیاں جان نہفتہ راز میں
رخنۂ در سے غیر پاس دیکھا کسے کہ آج ہے
رخنہ گری کچھ اور ہی نالۂ رخنہ ساز میں
یاد بتاں میں لاکھ بار فرط قلق سے ہم بھی تو
بیٹھے اٹھے ہیں مومنؔ آپ گر رہے شب نماز میں
ta na pade khalal kahin aap ke khwab-e-naz mein
ta na pade khalal kahin aap ke khwab-e-naz mein
hum nahin chahte kami apni shab-e-daraz mein
aur hi rang aaj hai aariz-e-gul-azār ka
khun-e-dil apna tha magar go na rukh-e-tarāz mein
kyunke na aadhi aadhi raat jage wo jis ka dhyan ho
ahu-e-neem-khwab mein nargis-e-neem-baz mein
khusrau-e-aish-e-vasl-e-yar jaan-kani aur koh-kan
apna jigar to khoon hua ishq ke imtiyaz mein
bin tere bazm-e-sur mein hain ye qabāhatein ki hai
Naghma-e-sur ka asar naghma-e-nai-nawaz mein
un se ab iltifat ki ghair ko hain shikayatein
sun ke mira mubalagha minnat-e-ehtiraz mein
kya sabhi seene jal chuke kya sabhi dil pighal chuke
bu-e-kabab ab nahin aah-e-jigar-gudāz mein
parda-nasheen ke ishq mein parda-dari na ho kahin
hoti hain be-hijabiyan jaan-e-nihufta raz mein
rakhna-dar se ghair paas dekha kise ki aaj hai
rakhna-gari kuchh aur hi naleh-e-rakhna-sāz mein
yaad-e-butaan mein lakh baar fart-e-qalaq se hum bhi to
baithe uthe hain Momin! aap gir rahe shab-e-namaz mein
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں