تھی وصل میں بھی فکر جدائی تمام شب — مومن خان مومن
شاعر
تھی وصل میں بھی فکر جدائی تمام شب
تھی وصل میں بھی فکر جدائی تمام شب
وہ آئے تو بھی نیند نہ آئی تمام شب
واں طعنہ تیر یار یہاں شکوہ زخم ریز
باہم تھی کس مزے کی لڑائی تمام شب
رنگیں ہیں خون سر سے وہ ہاتھ آج کل رہے
جس ہاتھ میں وہ دست حنائی تمام شب
تالو سے یاں زبان سحر تک نہیں لگی
تھا کس کو شغل نغمہ سرائی تمام شب
یک بار دیکھتے ہی مجھے غش جو آ گیا
بھولے تھے وہ بھی ہوش ربائی تمام شب
مر جاتے کیوں نہ صبح کے ہوتے ہی ہجر میں
تکلیف کیسی کیسی اٹھائی تمام شب
گرم جواب شکوۂ جور عدو رہا
اس شعلہ خو نے جان جلائی تمام شب
کہتا ہے مہروش تمہیں کیوں غیر گر نہیں
دن بھر ہمیشہ وصل جدائی تمام شب
دھر پاؤں آستاں پہ کہ اس آرزو میں آہ
کی ہے کسی نے ناصیہ سائی تمام شب
مومنؔ میں اپنے نالوں کے صدقے کہ کہتے ہیں
ان کو بھی آج نیند نہ آئی تمام شب
Thi vasl mein bhi fikr-e-judai tamam shab
Thi vasl mein bhi fikr-e-judai tamam shab
Woh aaye to bhi neend na aayi tamam shab
Waan ta'na-e-teer-e-yaar, yahan shikwa-e-zakhm-raiz
Baham thi kis maze ki ladaai tamam shab
Rangeen hain khoon-e-sar se woh haath aaj kal rahe
Jis haath mein woh dast-e-hinayi tamam shab
Talu se yaan zubaan sahar tak nahin lagi
Tha kis ko shughl-e-naghma-sarayi tamam shab
Yak baar dekhte hi mujhe ghash jo aa gaya
Bhoole the woh bhi hosh rubai tamam shab
Mar jaate kyun na subh ke hote hi hijr mein
Takleef kaisi kaisi uthayi tamam shab
Garam jawab-e-shikwa-e-jaur-e-adoo raha
Is shola-khu ne jaan jalayi tamam shab
Kehta hai meh-rosh tumhein kyun ghair gar nahin
Din bhar hamesha vasl-e-judai tamam shab
Dhar paaon aastaan pe ke is aarzoo mein aah
Ki hai kisi ne nasiya-sayi tamam shab
Momin! Main apne naalon ke sadqe ke kehte hain
In ko bhi aaj neend na aayi tamam shab
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں