وعدے کی جو ساعت دم کشتن ہے ہمارا — مومن خان مومن
شاعر
وعدے کی جو ساعت دم کشتن ہے ہمارا
وعدے کی جو ساعت دم کشتن ہے ہمارا
جو دوست ہمارا ہے سو دشمن ہے ہمارا
یہ کاہ ربا سے بھی ہیں کم اے کشش دل
مذکور کچھ ایسا پس چلمن ہے ہمارا
افسوس موئے شمع شب وصل کی مانند
جو قہقہہ شادی ہے سو شیون ہے ہمارا
مہتاب کا کیا رنگ کیا دود فغاں نے
احوال شب تار سے روشن ہے ہمارا
دیتا نہیں اس ضعف پہ بھی جوش جنوں چین
ہر ریگ رواں دشت میں توسن ہے ہمارا
تفریح نہ کیونکر ہو ہوا آ نہیں سکتی
گویا در و دیوار نشیمن ہے ہمارا
گر پاس ہے لوگوں کا تو آ جا کہ قلق سے
ہے لاش کہیں اور کہیں مدفن ہے ہمارا
جذب دل اسے کھینچ کے لائے تو کہاں لائے
جو غیر کا گھر ہے وہی مسکن ہے ہمارا
بت خانے سے کعبے کو چلے رشک کے مارے
مومنؔ خضر راہ برہمن ہے ہمارا
wa'de ki jo sa'at dam kushtan hai hamara
wa'de ki jo sa'at dam kushtan hai hamara
jo dost hamara hai so dushman hai hamara
ye kaah ruba se bhi hain kam ae kashish-e-dil
mazkur kuchh aisa pas-e-chilman hai hamara
afsos mū-e-sham-e-shab-e-vasl ki manind
jo qahqaha-e-shadi hai so shivan hai hamara
mahtab ka kya rang kiya dood-e-fughan ne
ahval-e-shab-e-tar se raushan hai hamara
deta nahin is zo'af pe bhi josh-e-junun chain
har reg-e-rawan dasht mein tausan hai hamara
tafrih na kyonkar ho hava aa nahin sakti
goya dar o divar nashiman hai hamara
gar pas hai logon ka to aa ja ki qalaq se
hai lash kahin aur kahin madfan hai hamara
jazb-e-dil use khinch ke laaye to kahan laaye
jo ghair ka ghar hai wahi maskan hai hamara
but-khane se ka'be ko chale rashk ke mare
Momin! khizr-e-rah barhaman hai hamara
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں