وہ جو ہم میں تم میں قرار تھا تمہیں یاد ہو کہ نہ یاد ہو — مومن خان مومن
شاعر
وہ جو ہم میں تم میں قرار تھا تمہیں یاد ہو کہ نہ یاد ہو
وہ جو ہم میں تم میں قرار تھا تمہیں یاد ہو کہ نہ یاد ہو
وہی یعنی وعدہ نباہ کا تمہیں یاد ہو کہ نہ یاد ہو
وہ جو لطف مجھ پہ تھے بیشتر وہ کرم کہ تھا مرے حال پر
مجھے سب ہے یاد ذرا ذرا تمہیں یاد ہو کہ نہ یاد ہو
وہ نئے گلے وہ شکایتیں وہ مزے مزے کی حکایتیں
وہ ہر ایک بات پہ روٹھنا تمہیں یاد ہو کہ نہ یاد ہو
کبھی بیٹھے سب میں جو روبرو تو اشارتوں ہی سے گفتگو
وہ بیان شوق کا برملا تمہیں یاد ہو کہ نہ یاد ہو
ہوئے اتفاق سے گر بہم تو وفا جتانے کو دم بہ دم
گلۂ ملامت اقربا تمہیں یاد ہو کہ نہ یاد ہو
کوئی بات ایسی اگر ہوئی کہ تمہارے جی کو بری لگی
تو بیاں سے پہلے ہی بھولنا تمہیں یاد ہو کہ نہ یاد ہو
کبھی ہم میں تم میں بھی چاہ تھی کبھی ہم سے تم سے بھی راہ تھی
کبھی ہم بھی تم بھی تھے آشنا تمہیں یاد ہو کہ نہ یاد ہو
سنو ذکر ہے کئی سال کا کہ کیا اک آپ نے وعدہ تھا
سو نباہنے کا تو ذکر کیا تمہیں یاد ہو کہ نہ یاد ہو
کہا میں نے بات وہ کوٹھے کی مرے دل سے صاف اتر گئی
تو کہا کہ جانے مری بلا تمہیں یاد ہو کہ نہ یاد ہو
وہ بگڑنا وصل کی رات کا وہ نہ ماننا کسی بات کا
وہ نہیں نہیں کی ہر آن ادا تمہیں یاد ہو کہ نہ یاد ہو
جسے آپ گنتے تھے آشنا جسے آپ کہتے تھے با وفا
میں وہی ہوں مومنؔ مبتلا تمہیں یاد ہو کہ نہ یاد ہو
woh jo hum mein tum mein qarar tha tumhen yaad ho ki na yaad ho
woh jo hum mein tum mein qarar tha tumhen yaad ho ki na yaad ho
wahi yaani waada nibah ka tumhen yaad ho ki na yaad ho
woh jo lutf mujh pe the beshtar woh karam ki tha mere haal par
mujhe sab hai yaad zara zara tumhen yaad ho ki na yaad ho
woh naye gile woh shikayaten woh maze maze ki hikayaten
woh har ek baat pe rooThna tumhen yaad ho ki na yaad ho
kabhi baiThe sab mein jo rubaru to isharaton hi se guftugu
woh bayan-e-shauq ka barmala tumhen yaad ho ki na yaad ho
huye ittifaq se gar baham to wafa jatane ko dam-ba-dam
gila malamat-e-aqarba tumhen yaad ho ki na yaad ho
koi baat aisi agar hui ki tumhare ji ko buri lagi
to bayan se pehle hi bhoolna tumhen yaad ho ki na yaad ho
kabhi hum mein tum mein bhi chah thi kabhi hum se tum se bhi raah thi
kabhi hum bhi tum bhi the aashna tumhen yaad ho ki na yaad ho
suno zikr hai kayi saal ka ki kya ik aap ne waada tha
so nibahne ka to zikr kya tumhen yaad ho ki na yaad ho
kaha maine baat woh koThe ki mere dil se saaf utar gayi
to kaha ki jaane meri bala tumhen yaad ho ki na yaad ho
woh bigaDna wasl ki raat ka woh na man'na kisi baat ka
woh nahin nahin ki har aan ada tumhen yaad ho ki na yaad ho
jise aap ginte the aashna jise aap kehte the ba-wafa
main wahi hun Momin! mubtala tumhen yaad ho ki na yaad ho
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں