وہ کہاں ساتھ سلاتے ہیں مجھے — مومن خان مومن
شاعر
وہ کہاں ساتھ سلاتے ہیں مجھے
وہ کہاں ساتھ سلاتے ہیں مجھے
خواب کیا کیا نظر آتے ہیں مجھے
اس پری وش سے لگاتے ہیں مجھے
لوگ دیوانہ بناتے ہیں مجھے
یا رب ان کا بھی جنازہ اٹھے
یار اس کو سے اٹھاتے ہیں مجھے
ابروئے تیغ سے ایما ہے کہ آ
قتل کرنے کو بلاتے ہیں مجھے
بے وفائی کا عدو کی ہے گلہ
لطف میں بھی وہ ستاتے ہیں مجھے
حیرت حسن سے یہ شکل بنی
کہ وہ آئینہ دکھاتے ہیں مجھے
پھونک دے آتش دل داغ مرے
اس کی خو یاد دلاتے ہیں مجھے
گر کہے غمزہ کسے قتل کروں
تو اشارت سے بتاتے ہیں مجھے
میں تو اس زلف کی بو پر غش ہوں
چارہ گر مشک سنگھاتے ہیں مجھے
شعلہ رو کہتے ہیں اغیار کو وہ
اپنے نزدیک جلاتے ہیں مجھے
جاں گئی پر نہ گئی جورکشی
بعد مردن بھی دباتے ہیں مجھے
وہ جو کہتے ہیں تجھے آگ لگے
مژدۂ وصل سناتے ہیں مجھے
اب یہ صورت ہے کہ اے پردہ نشیں
تجھ سے احباب چھپاتے ہیں مجھے
مومنؔ اور دیر خدا خیر کرے
طور بے ڈھب نظر آتے ہیں مجھے
Woh kahan saath sulate hain mujhe
Woh kahan saath sulaate hain mujhe
Khwab kya kya nazar aate hain mujhe
Uss pari-wash se lagaate hain mujhe
Log deewaana banaate hain mujhe
Ya Rab un ka bhi janaza uthe
Yaar uss ko se uthaate hain mujhe
Abroo-e-tegh se eema hai ke aa
Qatl karne ko bulaate hain mujhe
Bewafai ka adu ki hai gila
Lutf mein bhi woh sataate hain mujhe
Hairat-e-husn se yeh shakal bani
Ke woh aaina dikhaate hain mujhe
Phoonk de aatish-e-dil daagh mere
Uss ki kho yaad dilaate hain mujhe
Gar kahe ghamza kise qatl karoon
To ishaarat se bataate hain mujhe
Main to uss zulf ki boo par ghash hoon
Chaara-gar mushk sunghaate hain mujhe
Shola-roo kehte hain aghyar ko woh
Apne nazdeek jalaate hain mujhe
Jaan gai par na gai jaur-kashi
Baad-e-murdan bhi dabaate hain mujhe
Woh jo kehte hain tujhe aag lage
Muzhda-e-wasl sunaate hain mujhe
Ab yeh soorat hai ke ae parda-nasheen
Tujh se ahbaab chhupaate hain mujhe
Momin aur dair khuda khair kare
Taur be-dhab nazar aate hain mujhe
شاعر کے بارے میں
مومن خان مومن اردو کے کلاسیکی عہد کے اُن ممتاز شعرا میں شمار ہوتے ہیں جنہوں نے غزل کو نیا ذوق، نئی لطافت اور گہری جذباتی معنویت عطا کی۔ ان کا اصل ن...
مکمل تعارف پڑھیں