اے آہ تری قدر اثر نے تو نہ جانی — محمد رفیع سودا
شاعر
اے آہ تری قدر اثر نے تو نہ جانی
اے آہ تری قدر اثر نے تو نہ جانی
گو تج کو لقب ہم نے دیا عرش مکانی
یک خلق کی نظروں میں سبک ہو گیا لیکن
کرتا ہوں میں اب تک تری خاطر پہ گرانی
ٹک دیدۂ تحقیق سے تو دیکھ زلیخا
ہر چاہ میں آتا ہے نظر یوسف ثانی
معمور ہے جس روز سے ویرانۂ دنیا
ہر جنس کے انساں کی یہ ماٹی گئی چھانی
اک وامق نو کا ہے سمجھ چاک گریباں
کرتی ہے جو رخنہ کوئی دیوار پرانی
بلبل ہی سسکتی نہ تھی کچھ باغ میں تجھ بن
شبنم گلوں کے منہ میں چواتی رہی پانی
ہے گوش زدہ خلق مرا قصۂ جانکاہ
جب سے کہ نہ سمجھے تھا تو چڑیا کی کہانی
جوں شمع مجھے شرم ہے زنار کی اے شیخ
مالا نہ جپوں رات کو بے اشک فشانی
جس سمت نظر موج سراب آوے تو یہ جان
ہووے گی کسی زلف چلیپا کی نشانی
کیا کیا ملے لیلیٰ منشاں خاک میں سوداؔ
گو اپنے بھی محبوب کی دیکھی نہ جوانی
Ae Aah teri qadr-e-asar ne to na jaani
Ae Aah teri qadr-e-asar ne to na jaani
Go tujh ko laqab hum ne diya arsh-makani
Yak khalq ki nazron mein sabuk ho gaya lekin
Karta hun main ab tak teri khatir pe garani
Tik deeda-e-tehqeeq se tu dekh Zulaikha
Har chah mein aata hai nazar Yusuf-e-saani
Ma'moor hai jis roz se veerana-e-dunya
Har jins ke insaan ki yeh maati gayi chhaani
Ik Vamiq-e-nau ka hai samajh chaak-e-garebaan
Karti hai jo rakhna koi deewar purani
Bulbul hi sisakti na thi kuch bagh mein tujh bin
Shabnam gulon ke munh mein chuvati rahi pani
Hai gosh-zada khalq mera qissa-e-jaankaah
Jab se keh na samjhe tha tu chidiya ki kahani
Joon sham'a mujhe sharm hai zunnar ki ae Sheikh
Maala na japun raat ko be ashk-fishani
Jis samt nazar mauj-e-saraab aave to yeh jaan
Hovegi kisi zulf-e-chaleepa ki nishani
Kya kya mile Laila-mishaan khak mein Sauda
Go apne bhi mehboob ki dekhi na jawani
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں