اپنے کا ہے گناہ بیگانے نے کیا کیا — محمد رفیع سودا
شاعر
اپنے کا ہے گناہ بیگانے نے کیا کیا
اپنے کا ہے گناہ بیگانے نے کیا کیا
اس دل کو کیا کہوں کہ دوانے نے کیا کیا
یاں تک ستانا مج کو کہ رو رو کہے تو ہائے
یارو نہ تم سنا کہ فلانے نے کیا کیا
پردہ تو راز عشق سے اے یار اٹھ چکا
بے سود ہم سے منہ کے چھپانے نے کیا کیا
آنکھوں کی رہبری نے کہوں کیا کہ دل کے ساتھ
کوچے کی اس کے راہ بتانے نے کیا کیا
کام آئی کوہ کن کی مشقت نہ عشق میں
پتھر سے جوئے شیر کے لانے نے کیا کیا
ٹک در تک اپنے آ مرے ناصح کا حال دیکھ
میں تو دوانا تھا پہ سیانے نے کیا کیا
چاہوں میں کس طرح یہ زمانے کی دوستی
اوروں سے دوست ہو کے زمانے نے کیا کیا
کہتا تھا میں گلے کا ترے ہو پڑوں گا ہار
دیکھا نہ گل کو سر پہ چڑھانے نے کیا کیا
سوداؔ ہے بے طرح کا نشہ جام عشق میں
دیکھا کہ اس کو منہ کے لگانے نے کیا کیا
Apne ka hai gunah begane ne kya kya
Apne ka hai gunah begane ne kya kya
Is dil ko kya kahoon ki dewane ne kya kya
Yaan tak satana mujh ko ki ro ro kahe to haye
Yaaro na tum suna ki falane ne kya kya
Parda to raaz-e-ishq se ay yaar uth chuka
Be-sood hum se munh ke chhupane ne kya kya
Aankhon ki rahbari ne kahoon kya ki dil ke saath
Kuche ki us ke rah batane ne kya kya
Kaam aayi Koh-kan ki mashaqqat na ishq mein
Patthar se joo-e-sheer ke laane ne kya kya
Tak dar tak apne aa mere naseh ka haal dekh
Main to dewana tha pe siyane ne kya kya
Chahoon main kis tarah yeh zamane ki dosti
Auron se dost ho ke zamane ne kya kya
Kehta tha main gale ka tere ho padun ga haar
Dekha na gul ko sar pe chadhane ne kya kya
Sauda hai be-tarah ka nasha jam-e-ishq mein
Dekha ki us ko munh ke lagane ne kya kya
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں