باطل ہے ہم سے دعویٰ شاعر کو ہم سری کا — محمد رفیع سودا
شاعر
باطل ہے ہم سے دعویٰ شاعر کو ہم سری کا
باطل ہے ہم سے دعویٰ شاعر کو ہم سری کا
دیوان ہے ہمارا کیسہ جواہری کا
چہرہ ترا سا کب ہے سلطان خاوری کا
چیرہ ہزار باندھے سر پر جو وہ زری کا
منہ پر یہ گوشوارہ موتی کا جلوہ گر ہے
جیسے قران باہم ہو ماہ و مشتری کا
آئینہ خانے میں وہ جس وقت آن بیٹھے
پھر جس طرف کو دیکھو جلوہ ہے واں پری کا
جز شوق دل نہ پہنچوں ہرگز بہ کوئے جاناں
اے خضر کب ہوں تیری محتاج رہبری کا
جو دیکھتا ہے تجھ کو ہنستا ہے قہقہے مار
اے شیخ تیرا چہرہ مبدا ہے مسخری کا
طالب ہیں سیم و زر کے خوبان ہند سوداؔ
احوال کون سمجھے عاشق کی بے زری کا
Batil hai hum se dava shair ko hum-sari ka
Batil hai hum se dava shair ko hum-sari ka
Deewan hai hamara keesa-e-jauhari ka
Chehra tera sa kab hai sultan-e-khaavari ka
Cheera hazar bandhe sar par jo woh zari ka
Munh par ye goshwara moti ka jalwa gar hai
Jaise qiran baaham ho maah-o-mushtari ka
Aaina-khane mein woh jis waqt aan baithe
Phir jis taraf ko dekho jalwa hai vaan pari ka
Juz shauq-e-dil na pahunchun hargiz ba-koo-e-janan
Ae Khizr kab hoon teri mohtaj-e-rahbari ka
Jo dekhta hai tujh ko hansta hai qahqahe maar
Ae shaikh tera chehra mabda hai maskhari ka
Talib hain seem-o-zar ke khooban-e-Hind Sauda
Ahwal kaun samjhe aashiq ki be-zari ka
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں