دھوم سے سنتے ہیں اب کی سال آتی ہے بہار — محمد رفیع سودا
شاعر
دھوم سے سنتے ہیں اب کی سال آتی ہے بہار
دھوم سے سنتے ہیں اب کی سال آتی ہے بہار
دیکھیے کیا کچھ ہمارے سر پہ لاتی ہے بہار
شاید عزم یار کی گلشن میں پہنچی ہے خبر
گل کے پیراہن میں پھولی نئیں سماتی ہے بہار
دیکھنے دے باغباں اب گلستاں اپنا مجھے
حلقۂ زنجیر میں مہماں بلاتی ہے بہار
شور یہ غنچوں کے واشد کا نہیں اے عندلیب
اب چمن میں طمطراق اپنا دکھاتی ہے بہار
کیوں پھنسا گلشن میں یوں جا کر عبث سودا تو اب
میں نہ کہتا تھا تجھے وہ دیکھ آتی ہے بہار
Dhoom se sunte hain ab ki saal aati hai bahar
Dhoom se sunte hain ab ki saal aati hai bahar
Dekhiye kya kuchh hamare sar pe laati hai bahar
Shayad azm-e-yar ki gulshan mein pahunchi hai khabar
Gul ke pairahan mein phooli nahin samati hai bahar
Dekhne de baghban ab gulistan apna mujhe
Halqa-e-zanjeer mein mehman bulaati hai bahar
Shor yeh ghunchon ke washad ka nahin ay andaleeb
Ab chaman mein tamtaraq apna dikhati hai bahar
Kyun phansa gulshan mein yun ja kar abas Sauda tu ab
Main na kehta tha tujhe woh dekh aati hai bahar
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں