دل لے کے ہمارا جو کوئی طالب جاں ہے — محمد رفیع سودا
شاعر
دل لے کے ہمارا جو کوئی طالب جاں ہے
دل لے کے ہمارا جو کوئی طالب جاں ہے
ہم بھی یہ سمجھتے ہیں کہ جی ہے تو جہاں ہے
ہر ایک کے دکھ درد کا اب ذکر و بیاں ہے
مجھ کو بھی ہو رخصت مرے بھی منہ میں زباں ہے
اس عشق کے ہے تو ہی سزا وار کہ ہر ایک
دل دے کے ترے نام کو جویائے نشاں ہے
جویندۂ ہر چیز ہے یابندہ جہاں میں
جز عمر گزشتہ کہ وہ ڈھونڈو تو کہاں ہے
پیری جو تو جاوے تو جوانی سے یہ کہنا
خوش رہیو مری جان تو جیدھر ہے جہاں ہے
پہنچا نہ کوئی مرغ کبھو اپنے چمن تک
جز طائر حسرت کہ وہ یاں بال فشاں ہے
تجھ سے تو کسو طرح مرا کچھ نہیں چلتا
جز خون کہ آنکھوں سے شب و روز رواں ہے
ساقی تو نظر کیجیو ٹک صبح چمن کو
اس پیر کے جلوے کا بھلا کوئی جواں ہے
سوداؔ کا ترے دشت میں طفلاں سے ہے یہ حال
جیدھر وہ کھڑا ہووے تو جوں سنگ نشاں ہے
Dil le ke hamara jo koi talib-e-jaan hai
Dil le ke hamara jo koi talib-e-jaan hai
Hum bhi ye samajhte hain ke jee hai to jahan hai
Har ek ke dukh dard ka ab zikr-o-bayan hai
Mujh ko bhi ho rukhsat mere bhi munh mein zuban hai
Is ishq ke hai tu hi saza-war ke har ek
Dil de ke tere naam ko joya-e-nishan hai
Joyanda har cheez hai yabanda jahan mein
Juz umr-e-guzashta ke woh dhoondo to kahan hai
Peeri jo tu jaave to jawani se ye kehna
Khush rahiyo meri jaan tu jidhar hai jahan hai
Pahuncha na koi murgh kabhu apne chaman tak
Juz taair-e-hasrat ke woh yan baal-fishan hai
Tujh se to kasu tarah mera kuch nahin chalta
Juz khoon ke aankhon se shab-o-roz rawan hai
Saqi tu nazar keejiyeo tak subh-e-chaman ko
Is peer ke jalwe ka bhala koi jawan hai
Sauda ka tere dasht mein tifl-an se hai ye haal
Jidhar woh khara howe to jun sang-e-nishan hai
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں