دل مت ٹپک نظر سے کہ پایا نہ جائے گا — محمد رفیع سودا
شاعر
دل مت ٹپک نظر سے کہ پایا نہ جائے گا
دل مت ٹپک نظر سے کہ پایا نہ جائے گا
جوں اشک پھر زمیں سے اٹھایا نہ جائے گا
رخصت ہے باغباں کہ تنک دیکھ لیں چمن
جاتے ہیں واں جہاں سے پھر آیا نہ جائے گا
آنے سے فوج خط کے نہ ہو دل کو مخلصی
بندھوا ہے زلف کا یہ چھٹایا نہ جائے گا
پہنچیں گے اس چمن میں نہ ہم داد کو کبھو
جوں گل یہ چاک جیب سلایا نہ جائے گا
تیغ جفائے یار سے دل سر نہ پھیریو
پھر منہ وفا کو ہم سے دکھایا نہ جائے گا
آوے گا وہ چمن میں نہ اے ابر جب تلک
پانی گلوں کے منہ میں چوایا نہ جائے گا
عمامے کو اتار کے پڑھیو نماز شیخ
سجدے سے ورنہ سر کو اٹھایا نہ جائے گا
زاہد گلے سے مستوں کے باز آنے کا نہیں
تا مے کدے میں لا کے چھکایا نہ جائے گا
ظالم نہ میں کہا تھا کہ اس خوں سے درگزر
سوداؔ کا قتل ہے یہ چھپایا نہ جائے گا
دامان و داغ تیغ کو دھویا تو کیا ہوا
عالم کے دل سے داغ دھلایا نہ جائے گا
Dil mat tapak nazar se ki paaya na jaega
Dil mat tapak nazar se ki paaya na jaega
Jyon ashk phir zameen se uthaya na jaega
Rukhsat hai baaghban ki tanak dekh lein chaman
Jaate hain waan jahan se phir aaya na jaega
Aane se fauj-e-khat ke na ho dil ko mukhlisi
Bandhwa hai zulf ka ye chhutaya na jaega
Pahunchenge us chaman mein na hum dad ko kabhu
Jyon gul ye chaak-e-jaib silaya na jaega
Tegh-e-jafa-e-yaar se dil sar na pheri'o
Phir munh wafa ko hum se dikhaya na jaega
Awe ga woh chaman mein na ay abr jab talak
Paani gulon ke munh mein chawaya na jaega
Amame ko utaar ke padhiyo namaz shaikh
Sajde se warna sar ko uthaya na jaega
Zahid gale se maston ke baaz aane ka nahin
Ta mai-kade mein la ke chhakaya na jaega
Zalim na main kaha tha ki is khoon se darguzar
Sauda ka qatl hai ye chhupaya na jaega
Daman-o-dagh-e-tegh ko dhoya to kya hua
Alam ke dil se dagh dhulaya na jaega
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں