دل میں ترے جو کوئی گھر کر گیا — محمد رفیع سودا
شاعر
دل میں ترے جو کوئی گھر کر گیا
دل میں ترے جو کوئی گھر کر گیا
سخت مہم تھی کہ وہ سر کر گیا
وہم غلط کار نے دل خوش کیا
کس پہ نہ جانے وہ نظر کر گیا
جا ہی بھڑا تجھ صف مژگاں سے یار
دل تو مرا زور جگر کر گیا
رات ملا تھا مجھے تنہا رقیب
یار خدا کا ہی میں ڈر کر گیا
فیض ترے وصف بنا گوش کا
اپنے سخن کو تو گہر کر گیا
دیکھ لی ساقی کی بھی دریا دلی
لب نہ ہمارے کبھو تر کر گیا
کیوں کے کراہوں نہ شب و روز میں
درد مرے پہلو میں گھر کر گیا
نفع کو پہنچا یہ تجھے دے کے دل
جان کا اپنی میں ضرر کر گیا
اور غزل اب کوئی سودا تو کہہ
یہ تو یوں ہی تھی میں نظر کر گیا
Dil mein tere jo koi ghar kar gaya
Dil mein tere jo koi ghar kar gaya
Sakht muhim thi ki woh sar kar gaya
Wahm-e-ghalat-kaar ne dil khush kiya
Kis pe na jaane woh nazar kar gaya
Jaa hi bhara tujh saf-e-mizhgaan se yaar
Dil to mera zor-e-jigar kar gaya
Raat mila tha mujhe tanha raqeeb
Yaar Khuda ka hi main dar kar gaya
Faiz tere wasf-e-bina-e-gosh ka
Apne sukhan ko tu gauhar kar gaya
Dekh li saqi ki bhi darya-dili
Lab na hamare kabhi tar kar gaya
Kyun ke karahoon na shab-o-roz mein
Dard mere pehloo mein ghar kar gaya
Nafa'a ko pahuncha ye tujhe de ke dil
Jaan ka apni main zarar kar gaya
Aur ghazal ab koi Sauda to keh
Ye to yoon hi thi main nazar kar gaya
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں