ایک ہم سے تجھے نہیں اخلاص — محمد رفیع سودا
شاعر
ایک ہم سے تجھے نہیں اخلاص
ایک ہم سے تجھے نہیں اخلاص
گھر بہ گھر تجھ کو ہر کہیں اخلاص
رو سیاہی سوا نہیں حاصل
نام سے مت کر اے نگیں اخلاص
دیکھ تجھ زلف و رو کی الفت کو
کرتے ہیں آج کفر و دیں اخلاص
زور ہی ہم سے تیں رکھا پیارے
واہ وا رحمت آفریں اخلاص
مثل نقش قدم یہ رکھتی ہے
تیرے در سے مری جبیں اخلاص
گر تمنا گہر کی ہے تو کر
چشم میری سے آستیں اخلاص
آدم اس دام میں پھنسا سوداؔ
رکھے دانے سے خوشہ چیں اخلاص
Ek hum se tujhe nahin ikhlas
Ek hum se tujhe nahin ikhlas
Ghar ba ghar tujh ko har kahin ikhlas
Roo siyahi siwa nahin hasil
Naam se mat kar ae nageen ikhlas
Dekh tujh zulf-o-roo ki ulfat ko
Karte hain aaj kufr-o-deen ikhlas
Zor hi hum se tain rakha pyare
Wah wah rahmat-aafrin ikhlas
Misl-e-naqsh-e-qadam ye rakhti hai
Tere dar se meri jabeen ikhlas
Gar tamanna gauhar ki hai to kar
Chashm meri se aasteen ikhlas
Adam is daam mein phansa Sauda
Rakhe daane se khosha-cheen ikhlas
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں