گر کیجئے انصاف تو کی زور وفا میں — محمد رفیع سودا
شاعر
گر کیجئے انصاف تو کی زور وفا میں
گر کیجئے انصاف تو کی زور وفا میں
خط آتے ہی سب چل گئے اب آپ ہیں یا میں
تم جن کی ثنا کرتے ہو کیا بات ہے ان کی
لیکن ٹک ادھر دیکھیو اے یار بھلا میں
رکھتا ہے کچھ ایسی وہ برہمن بچہ رفتار
بت ہو گیا دھج دیکھ کے جس کی بہ خدا میں
یارو نہ بندھی اس سے کبھو شکل ملاقات
ملنے کو تو اس شوخ کے ترسا ہی کیا میں
جب میں گیا اس کے تو اسے گھر میں نہ پایا
آیا وہ اگر میرے تو در خود نہ رہا میں
کیفیت چشم اس کی مجھے یاد ہے سوداؔ
ساغر کو مرے ہاتھ سے لیجو کہ چلا میں
Gar keeji'e insaf to ki zor-e-wafa mein
Gar keeji'e insaf to ki zor-e-wafa mein
Khat aate hi sab chal gaye ab aap hain ya main
Tum jin ki sana karte ho kya baat hai un ki
Lekin tak idhar dekhiyo ay yaar bhala main
Rakhta hai kuch aisi woh barhaman bacha raftaar
But ho gaya dhaj dekh ke jis ki ba-khuda main
Yaaro na bandhi us se kabhu shakl-e-mulaqat
Milne ko to us shokh ke tarsa hi kya main
Jab main gaya us ke to use ghar mein na paaya
Aaya woh agar mere to dar khud na raha main
Kaifiyat-e-chashm us ki mujhe yaad hai Sauda
Saaghar ko mere haath se lejo ki chala main
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں