گل پھینکے ہے اوروں کی طرف بلکہ ثمر بھی — محمد رفیع سودا
شاعر
گل پھینکے ہے اوروں کی طرف بلکہ ثمر بھی
گل پھینکے ہے اوروں کی طرف بلکہ ثمر بھی
اے خانہ بر انداز چمن کچھ تو ادھر بھی
کیا ضد ہے مرے ساتھ خدا جانے وگرنہ
کافی ہے تسلی کو مری ایک نظر بھی
اے ابر قسم ہے تجھے رونے کی ہمارے
تجھ چشم سے ٹپکا ہے کبھو لخت جگر بھی
اے نالہ صد افسوس جواں مرنے پہ تیرے
پایا نہ تنک دیکھنے تیں روئے اثر بھی
کس ہستئ موہوم پہ نازاں ہے تو اے یار
کچھ اپنے شب و روز کی ہے تج کو خبر بھی
تنہا ترے ماتم میں نہیں شام سیہ پوش
رہتا ہے سدا چاک گریبان سحر بھی
سوداؔ تری فریاد سے آنکھوں میں کٹی رات
آئی ہے سحر ہونے کو ٹک تو کہیں مر بھی
Gul phenke hai auron ki taraf balki samar bhi
Gul phenke hai auron ki taraf balki samar bhi
Aye khana bar andaaz-e-chaman kuch to idhar bhi
Kya zid hai mere saath khuda jaane wagarna
Kaafi hai tasalli ko meri ek nazar bhi
Aye abr qasam hai tujhe rone ki hamare
Tujh chashm se tapka hai kabhoo lakht-e-jigar bhi
Aye naala sad afsos jawan marne pe tere
Paaya na tanak dekhne tain roye asar bhi
Kis hasti-e-mauhoom pe nazaan hai tu aye yaar
Kuch apne shab o roz ki hai tujh ko khabar bhi
Tanha tere maatam mein nahin shaam siyaah posh
Rehta hai sada chaak garebaan-e-sehar bhi
Sauda teri faryad se aankhon mein kati raat
Aayi hai sehar hone ko tak tu kahin mar bhi
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں