ہستی کو تری بس ہے میاں گل کی اشارت — محمد رفیع سودا
شاعر
ہستی کو تری بس ہے میاں گل کی اشارت
ہستی کو تری بس ہے میاں گل کی اشارت
کافی ہے مرے نالے کو بلبل کی اشارت
فتویٰ طلب اے یار نہ قاضی سے کروں میں
توبہ شکنی کو ہے مری مل کی اشارت
مل بیٹھ میری آنکھوں میں ہے ساعت نیک آج
یہ چشم ترازو ہیں ترے تل کی اشارت
ہے باعث جمعیت دل ایک جہاں کی
اے شوخ پریشانیٔ کاکل کی اشارت
تقویٰ کے نہیں بار سے قد خم ترا اے شیخ
اک خلق میں مشہور ہے اس پل کی اشارت
یاد آئے تری زلف نہ مجھ کو جو چمن میں
دے تاب مرے دل کو نہ سنبل کی اشارت
عشاق کو تجھ چشم کے حاجت نہیں مے کی
بے ہوش کرے سوداؔ کو قلقل کی اشارت
Hasti ko teri bas hai miyan gul ki isharat
Hasti ko teri bas hai miyan gul ki isharat
Kaafi hai mere naale ko bulbul ki isharat
Fatwa-talab ae yaar na qazi se karun main
Tauba-shikani ko hai meri mul ki isharat
Mil baith meri aankhon mein hai saa'at-e-nek aaj
Yeh chashm tarazu hain tere til ki isharat
Hai baa'is-e-jam'iyat-e-dil ek jahaan ki
Ae shokh pareeshani-e-kaakul ki isharat
Taqwa ke nahin baar se qadd-e-kham tera ae Sheikh
Ek khalq mein mash'hoor hai is pul ki isharat
Yaad aaye teri zulf na mujh ko jo chaman mein
De taab mere dil ko na sumbul ki isharat
Ushshaq ko tujh chashm ke haajat nahin mai ki
Be-hosh kare Sauda ko qalqal ki isharat
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں