جو گل ہے یاں سو اس گل رخسار ساتھ ہے — محمد رفیع سودا
شاعر
جو گل ہے یاں سو اس گل رخسار ساتھ ہے
جو گل ہے یاں سو اس گل رخسار ساتھ ہے
کیا گل ہے وہ کہ جس کے یہ گل زار ساتھ ہے
تو مست شب اندھیری اور اغیار ساتھ ہے
جو دل میں آوے کہہ یہ گنہ گار ساتھ ہے
خاموش عندلیب چمن تجھ سے کیا ہے بحث
اپنا سخن تو مرغ گرفتار ساتھ ہے
پیغام اس نگہ کا کہ جس میں ہے بوئے مہر
کیا جانے کس کے آخری دیدار ساتھ ہے
عقدہ نہ یہ کھلا کہ مرے دل سا پہلوان
تجھ زلف کے بندھا ہوا اک تار ساتھ ہے
کرتے تو ہو مرے مرض دل کا تم علاج
یارو جو دل یہی ہے تو آزار ساتھ ہے
سوداؔ کے ہاتھ کیوں کے لگے وہ متاع حسن
لے نکلیں جس کو گھر سے تو بازار ساتھ ہے
Jo gul hai yahan so us gul-rukhsar saath hai
Jo gul hai yahan so us gul-rukhsar saath hai
Kya gul hai woh ke jis ke yeh gulzar saath hai
Tu mast-e-shab-e-andheri aur aghyar saath hai
Jo dil mein aave keh yeh gunahgar saath hai
Khamosh andaleeb-e-chaman tujh se kya hai bahs
Apna sukhan to murgh-e-giraftar saath hai
Paigham us nigah ka ke jis mein hai boo-e-mehr
Kya jaane kis ke akhiri didar saath hai
Uqda na yeh khula ke mere dil sa pehlwan
Tujh zulf ke bandha hua ik taar saath hai
Karte to ho mere marz-e-dil ka tum ilaaj
Yaaro jo dil yehi hai to azar saath hai
Sauda ke haath kyun ke lage woh mata-e-husn
Le niklein jis ko ghar se to bazaar saath hai
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں