کب دل شکست گاں سے کر عرض حال آیا — محمد رفیع سودا
شاعر
کب دل شکست گاں سے کر عرض حال آیا
کب دل شکست گاں سے کر عرض حال آیا
ہے بے صدا وہ چینی جس میں کہ بال آیا
سینے سے میں دعا کو لایا جو شب لبوں تک
کہنے لگی اجابت کیدھر خیال آیا
کونین تک ملی تھی جس دل کی مجھ کو قیمت
قسمت کہ یک نگہ پر جا اس کو ڈال آیا
بخشش پہ دو جہاں کے آئی تھی ہمت دہر
لیکن نہ یاں زباں تک حرف سوال آیا
نازاں نہ ہو تو اس پر گر تجھ کو سنگ میں سے
گوہر نکالنے کا کسب و کمال آیا
ارباب فہم آگے وہ صاحب ہنر ہے
کینہ کسی کے دل سے جس کو نکال آیا
دیر خراب میں کل اک مست کی زباں پر
یہ شعر اس جگہ کے کیا حسب حال آیا
اعمال دیکھ تیرے مے شرم سے عرق ہے
اے محتسب تجھے بھی کچھ انفعال آیا
ملنے کا ایک دم بھی یاں ضعف دل ہے مانع
اکتا کے اٹھ گیا وہ تب میں بحال آیا
نخل حیات اپنا گلشن میں باغباں نے
بویا تو تھا ہوس کر لیکن نہ پال آیا
اکسیر ہے تو کیا ہے وہ مشت خاک سوداؔ
خاطر پہ جب کسی کی جس سے ملال آیا
Kab dil shikastagaan se kar arz-e-haal aaya
Kab dil shikastagaan se kar arz-e-haal aaya
Hai be-sada woh cheeni jis mein ki baal aaya
Seene se main dua ko laaya jo shab labon tak
Kehne lagi ijaabat kidhar khayal aaya
Kaunain tak mili thi jis dil ki mujh ko qeemat
Qismat ki yak nigah par jaa is ko daal aaya
Bakhshish pe do jahaan ke aayi thi himmat-e-dahar
Lekin na yaan zubaan tak harf-e-sawaal aaya
Naazaan na ho tu is par gar tujh ko sang mein se
Gauhar nikalne ka kasb-o-kamaal aaya
Arbaab-e-fehm aage woh saahib-e-hunar hai
Keena kisi ke dil se jis ko nikaal aaya
Dair-e-kharaab mein kal ik mast ki zubaan par
Ye sher is jagah ke kiya hasb-e-haal aaya
A'maal dekh tere mein sharm se araq hai
Aye muhtasib tujhe bhi kuch infa'al aaya
Milne ka ek dam bhi yaan za'f-e-dil hai maane'
Uktaa ke uth gaya woh tab main bahal aaya
Nakhl-e-hayaat apna gulshan mein baaghbaan ne
Boyaa to tha hawass kar lekin na paal aaya
Ikseer hai to kya hai woh musht-e-khaak Sauda
Khaatir pe jab kisi ki jis se malaal aaya
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں