کیجئے نہ اسیری میں اگر ضبط نفس کو — محمد رفیع سودا
شاعر
کیجئے نہ اسیری میں اگر ضبط نفس کو
کیجئے نہ اسیری میں اگر ضبط نفس کو
دے آگ ابھی شعلۂ آواز قفس کو
بہہ جاوے لہو ہو کے دل قافلہ سالار
تعلیم دے نالہ جو مرا بانگ جرس کو
پہنچے ہے نم داغ جگر تا سر مژگاں
شاداب میں رکھتا ہوں سدا آگ سے خس کو
پھرتا ہے ادھر زلف میں شانہ تو ادھر دل
یہ دزد نہ لایا کبھو خاطر میں عسس کو
اے عشق نہ فرہاد بچا تجھ سے نہ پرویز
با خاک برابر تو کیا ناکس و کس کو
لے سکتے نہیں سانس تری کو کے مقید
تا خون جگر بیچ نہ غوطہ دیں نفس کو
ترغیب نہ کر سیر چمن کی ہمیں سوداؔ
ہر چند ہوا خوب ہے واں لیک ہوس کو
Keejiye na aseeri mein agar zabt-e-nafs ko
Keejiye na aseeri mein agar zabt-e-nafs ko
De aag abhi shola-e-awaz-e-qafas ko
Beh jaave lahoo ho ke dil qaafila-salar
Taleem de nala jo mira bang-e-jaras ko
Pahunche hai nam dagh-e-jigar ta sar-e-mizhgaan
Shadab main rakhta hoon sada aag se khas ko
Phirta hai idhar zulf mein shana to idhar dil
Yeh duzd na laya kabhu khatir mein asus ko
Ay ishq na Farhad bacha tujh se na Parvez
Ba khak barabar tu kiya nakas o kas ko
Le sakte nahin saans teri koo ke muqaiyid
Ta khoon-e-jigar beech na ghota dein nafs ko
Targhib na kar sair-e-chaman ki hamein Sauda
Har chand hawa khoob hai waan laikin hawas ko
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں