کہتے ہیں لوگ یار کا ابرو پھڑک گیا — محمد رفیع سودا
شاعر
کہتے ہیں لوگ یار کا ابرو پھڑک گیا
کہتے ہیں لوگ یار کا ابرو پھڑک گیا
تیغا سا کچھ نظر میں ہماری سڑک گیا
میں کیا کروں ادائے غضب ناک کا بیاں
بجلی سا میرے سامنے آ کر کڑک گیا
نالے سے میرے گل تو ہوا چاک پیرہن
بلبل ترا جگر نہ یہ سن کر تڑک گیا
کوئی گیا نہ خوف سے قاتل کے سامنے
میں ہی تھا اس کے رو بہ رو جو بے دھڑک گیا
مشکل پڑے گا پھر تو بجھانا جہان کا
جو ٹک زیادہ عشق کا شعلہ بھڑک گیا
سوداؔ چرا چکا ہی تھا گلشن میں گل کو میں
قسمت کو اپنی کیا کہوں پتا کھڑک گیا
Kehte hain log yaar ka abroo pharak gaya
Kehte hain log yaar ka abroo pharak gaya
Tegha sa kuch nazar mein hamari sarak gaya
Mein kya karoon ada-e-ghazab-nak ka bayan
Bijli sa mere samne aa kar karak gaya
Naale se mere gul to hua chaak-e-pairahan
Bulbul tera jigar na ye sun kar tarak gaya
Koi gaya na khauf se qatil ke samne
Mein hi tha us ke ru-ba-ru jo be-dharak gaya
Mushkil pare ga phir to bujhana jahan ka
Jo tak zyada ishq ka shoala bharak gaya
Sauda chura chuka hi tha gulshan mein gul ko mein
Qismat ko apni kya kahoon patta kharak gaya
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں