لے دیدۂ تر جدھر گئے ہم — محمد رفیع سودا
شاعر
لے دیدۂ تر جدھر گئے ہم
لے دیدۂ تر جدھر گئے ہم
ڈبرے جو تھے خشک بھر گئے ہم
تجھ عشق میں روز خوش نہ دیکھا
دکھ بھرتے ہی بھرتے مر گئے ہم
تیرا جو ستم ہے اس کی تو جان
اپنی تھی سو خوب کر گئے ہم
یہ قطعہ پڑھے تھا سوز دل سے
سودا کے جو رات گھر گئے ہم
جوں شمع لبوں پر آ رہا جی
تن تھا سو گداز کر گئے ہم
اتنی بھی پتنگ پیش قدمی!
گر شام نہیں سحر گئے ہم
ہوگی نہ کسی کو یہ خبر بھی
اس مجلس سے کدھر گئے ہم
Le deeda-e-tar jidhar gaye hum
Le deeda-e-tar jidhar gaye hum
Dabare jo thhe khushk bhar gaye hum
Tujh ishq mein roz khush na dekha
Dukh bharte hi bharte mar gaye hum
Tera jo sitam hai us ki tu jaan
Apni thi so khoob kar gaye hum
Yeh qitaa' padhe tha soz-e-dil se
Sauda ke jo raat ghar gaye hum
Joon shama labon par aa raha jee
Tan tha so gudaz kar gaye hum
Itni bhi patang pesh-qadmi!
Gar shaam nahin sahar gaye hum
Hogi na kisi ko yeh khabar bhi
Is majlis se kidhar gaye hum
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں