مگر وہ دید کو آیا تھا باغ میں گل کے — محمد رفیع سودا
شاعر
مگر وہ دید کو آیا تھا باغ میں گل کے
مگر وہ دید کو آیا تھا باغ میں گل کے
کہ بو کچھ اور میں پائی دماغ میں گل کے
عدو بھی ہو سبب زندگی جو حق چاہے
نسیم صبح ہے روغن چراغ میں گل کے
چمن کھلیں ہیں پہنچ بادہ لے کے اے ساقی
گرفتہ دل مجھے مت کر فراغ میں گل کے
نہیں ہے جائے ترنم یہ بوستاں کہ نہیں
سوائے خون جگر مے ایاغ میں گل کے
علی کا نقش قدم ڈھونڈھتا ہے یوں سوداؔ
پھرے ہے باد سحر جوں سراغ میں گل کے
Magar woh deed ko aaya tha bagh mein gul ke
Magar woh deed ko aaya tha bagh mein gul ke
Ke boo kuch aur mein paai dimagh mein gul ke
Adoo bhi ho sabab-e-zindagi jo haq chahe
Naseem-e-subh hai roghan-e-chiragh mein gul ke
Chaman khulein hain pahunch baada le ke ae saqi
Girifta dil mujhe mat kar faragh mein gul ke
Nahin hai ja-e-tarannum ye bostan ke nahin
Siwae khoon-e-jigar mai ayagh mein gul ke
Ali ka naqsh-e-qadam dhoondhta hai yun Sauda
Phire hai baad-e-sahar jun suragh mein gul ke
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں