مقدور نہیں اس کی تجلی کے بیاں کا — محمد رفیع سودا
شاعر
مقدور نہیں اس کی تجلی کے بیاں کا
مقدور نہیں اس کی تجلی کے بیاں کا
جوں شمع سراپا ہو اگر صرف زباں کا
پردے کو تعین کے در دل سے اٹھا دے
کھلتا ہے ابھی پل میں طلسمات جہاں کا
ٹک دیکھ صنم خانۂ عشق آن کے اے شیخ
جوں شمع حرم رنگ جھلکتا ہے بتاں کا
اس گلشن ہستی میں عجب دید ہے لیکن
جب چشم کھلی گل کی تو موسم ہے خزاں کا
دکھلائیے لے جا کے تجھے مصر کا بازار
لیکن نہیں خواہاں کوئی واں جنس گراں کا
ہستی سے عدم تک نفس چند کی ہے راہ
دنیا سے گزرنا سفر ایسا ہے کہاں کا
سوداؔ جو کبھو گوش سے ہمت کے سنے تو
مضمون یہی ہے جرس دل کی فغاں کا
Maqdoor nahin us ki tajalli ke bayan ka
Maqdoor nahin us ki tajalli ke bayan ka
Jyon shama sarapa ho agar sirf zaban ka
Parde ko ta'ayyun ke dar dil se utha de
Khulta hai abhi pal mein tilsimat jahan ka
Tak dekh sanam khana-e-ishq aan ke ay shaikh
Jyon shama-e-haram rang jhalakta hai botan ka
Is gulshan-e-hasti mein ajab deed hai lekin
Jab chashm khuli gul ki to mausam hai khazan ka
Dikhlaiye le ja ke tujhe Misr ka bazar
Lekin nahin khwahan koi waan jins-e-giran ka
Hasti se adam tak nafas chand ki hai rah
Duniya se guzarna safar aisa hai kahan ka
Sauda jo kabhu gosh se himmat ke sune to
Mazmoon yehi hai jaras-e-dil ki faghan ka
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں