نسیم ہے ترے کوچے میں اور صبا بھی ہے — محمد رفیع سودا
شاعر
نسیم ہے ترے کوچے میں اور صبا بھی ہے
نسیم ہے ترے کوچے میں اور صبا بھی ہے
ہماری خاک سے دیکھو تو کچھ رہا بھی ہے
ترا غرور مرا عجز تا کجا ظالم
ہر ایک بات کی آخر کچھ انتہا بھی ہے
جلے ہے شمع سے پروانہ اور میں تجھ سے
کہیں ہے مہر بھی جگ میں کہیں وفا بھی ہے
خیال اپنے میں گو ہوں ترانہ سنجاں مست
کراہنے کے دلوں کو کبھی سنا بھی ہے
زبان شکوہ سوا اب زمانہ میں ہیہات
کوئی کسو سے بہم دیگر آشنا بھی ہے
ستم روا ہے اسیروں پہ اس قدر صیاد
چمن چمن کہیں بلبل کی اب نوا بھی ہے
سمجھ کے رکھیو قدم خار دشت پر مجنوں
کہ اس نواح میں سوداؔ برہنہ پا بھی ہے
Naseem hai tere kuche mein aur saba bhi hai
Naseem hai tere kuche mein aur saba bhi hai
Hamari khaak se dekho to kuch raha bhi hai
Tera ghuroor mera ajz taa kuja zalim
Har ek baat ki aakhir kuch intiha bhi hai
Jale hai shama se parwana aur main tujh se
Kahin hai mehr bhi jag mein kahin wafa bhi hai
Khayal apne mein go hoon tarana sanjan mast
Karahne ke dilon ko kabhi suna bhi hai
Zaban-e-shikwah siwa ab zamane mein haihat
Koi kisu se baham digar ashna bhi hai
Sitam rawa hai aseeron pe is qadar sayyad
Chaman chaman kahin bulbul ki ab nawa bhi hai
Samajh ke rakhiyo qadam khaar-e-dasht par Majnun
Ki is nawahi mein Sauda barahna pa bhi hai
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں