صدمہ ہر چند ترے جور سے جاں پر آیا — محمد رفیع سودا
شاعر
صدمہ ہر چند ترے جور سے جاں پر آیا
صدمہ ہر چند ترے جور سے جاں پر آیا
تس پہ شکوہ نہ کبھی میری زباں پر آیا
راست کیشوں کی تف آہ سے ڈر اے سرکش
تیر پھرتا نہیں جس وقت نشاں پر آیا
موسم شیب میں بے فائدہ ہے لعب شباب
کب ثمر دیوے ہے جو نخل خزاں پر آیا
دل پر خوں کو مرے غنچۂ تصویر کی طرح
لب وا شد نہ کبھی راز نہاں پر آیا
چشم انجم پہ نہیں ابر سے وہ روز سیاہ
جو مرے دیدۂ خوں ناب چکاں پر آیا
رات کو دیکھ کے اے ماہ تجھے غیر کے ساتھ
طعنہ زن دل کا مرے گل کے کتاں پر آیا
ہو کے استاد دبستان سخن میں سوداؔ
شعر کے قاعدہ دانان جہاں پر آیا
Sadma har chand tere jaur se jaan par aaya
Sadma har chand tere jaur se jaan par aaya
Tis pe shikwa na kabhi meri zabaan par aaya
Raast-keshon ki tuf aah se dar ae sarkash
Teer phirta nahin jis waqt nishaan par aaya
Mausam-e-shaib mein be-faida hai la'ab-e-shabaab
Kab samar deve hai jo nakhl-e-khazaan par aaya
Dil-e-pur-khoon ko mere ghuncha-e-tasveer ki tarah
Lab wa shad na kabhi raaz-e-nihaan par aaya
Chashm-e-anjum pe nahin abr se woh roz-e-siyah
Jo mere deeda-e-khoon-naab-chakaan par aaya
Raat ko dekh ke ae maah tujhe ghair ke saath
Ta'na-zan dil ka mere gul ke ketaan par aaya
Ho ke ustaad-e-dabistaan-e-sukhan mein Sauda
Sher ke qaa'ida-daanan-e-jahaan par aaya
شاعر کے بارے میں
مرزا محمد رفیعؔ، تخلص سودا، اردو ادب کے عظیم کلاسیکی شاعر تھے، جن کی پیدائش تقریباً 1713ءمیں دہلی میں ہوئی۔ ان کا تعلق ایک معزز خاندان سے تھا جس کے...
مکمل تعارف پڑھیں